47 Daizezeta Nokꞌoba zhãrã sãwũã okuaira atarrayadꞌebema kĩrãkꞌa bꞌʉa, doedꞌa bꞌaribuebʉdadꞌera bꞌeda nekĩrãtõnoã bꞌae bꞌʉa.
Mʉ ũme bꞌʉ ẽãrã ãĩ bꞌʉdꞌaya uva jʉ̃kꞌara zau ẽã kĩrãkꞌa. Bagui jʉrepe tebʉdꞌe pepekuabada, mawũẽ eradrʉbaria.
Maʉ̃ne Jesúsbara mawũãsia: Mʉ kꞌaidꞌu panadua, mʉnebemata ĩjãnamarẽã mʉã marã zhãrã ũrãgꞌabarita panabiya.
Marãnebemata sewa nebʉrʉ piradrʉdꞌaya ãzhita pẽwãbidꞌaita Jesúsdꞌebema ĩjã bꞌea.
Abꞌarika Jacobo Juan ũme perasidꞌa Zebedeo warrarãta, bꞌeda kꞌaudꞌa panʉta Simón bawarabemata panasia. Jesúsbara Simoũã mawũãsia: Perarãrũã, mʉnebemata ĩjãnamarẽã idꞌidꞌeuba bʉra zhãrã ũrãgꞌabarita bꞌaya.
Jʉ̃kꞌara mʉ kꞌarradꞌebema zhi zau ẽãrã izha tiaweya. Mawũãmina zhi zaubʉdara zhi tae seri ẽãtrʉ kꞌõkua araa oya audre zaumarẽã.
Daizezeta Nokꞌodꞌebemane bꞌaira orota egorodꞌe merã bꞌadꞌa kĩrãkꞌa bꞌʉa, ũmakĩrãba ũdupe wakusa merãsia. Mobe maʉ̃ kꞌarea sobia wãpe izha ne erubꞌʉra jõma nendope edasia maʉ̃ druara.
Perla kĩrãwãrẽãta ne ʉ̃tʉta ũdui wãpe izha ne erubꞌʉra jõma nendope edasia.
Birai doyaa erbꞌaribada, mobe jewedꞌa duanepe bigata ẽne jʉrepebada, biga ẽãrã ãĩ bꞌaribuebada.
