25 Mawũãmina erukꞌãĩ ẽbasia, aramaʉ̃ne zhi wau ãwũẽrã wũãwũãta tobʉrʉdꞌera Josébara Jesústa trʉ̃gasia.
Todꞌata ewari ocho babʉrʉdꞌera warra zakera kꞌakua eta kꞌõsidꞌa, mobe Jesústa trʉ̃gasidꞌa ángelba jaradꞌa kĩrãkꞌa bꞌiogꞌoai nawedꞌa.
Aramaʉ̃ne to edasia zhi wau ãwũẽrã wũãwũãta. Mobe wuaba burape bꞌarizhirusia nendʉwʉrʉ nekꞌobadadꞌe. Mawũã osia ãzhiitara bari nʉmʉ ẽãba ãĩba zebʉrʉ kꞌãĩbibada deta.
Maríabara zhũmakĩrãta toya, maʉ̃ bʉara Jesústa trʉ̃gadua, trʉ̃ mawũã bꞌaya izhidꞌerãta ẽdrʉbigai baera ãzhi kꞌazhiruadꞌeba.
Na wedꞌauba izha ũdu kꞌawua bꞌʉta bꞌera zhi jʉrʉma zhi Warra Jesús kĩrãkꞌa bꞌeabiita, aramaʉ̃ne izhita Warra nabemata bꞌamarẽã mebẽrã biodꞌe edꞌa.
Joséra kꞌãĩmokꞌara nʉmanata ʉ̃rʉ̃mape ángel Daizezedꞌeba jaradꞌata aribꞌaesia, mawũẽ Maríara edasia.
Kꞌõbebʉrʉ bʉra bꞌiogꞌoape zhũmakĩrãta toya. Maʉ̃ bʉara trʉ̃ga bꞌʉdua Jesústa.
