26 Mobebʉrʉ dedꞌaa zokꞌabʉrʉta mawũãsia: Pʉwʉrʉdꞌera edꞌa wãrãrũã, miõã jararãrũã pʉwʉrʉdꞌera.
Mobebʉrʉ Jesúsbara mawũãsia: Bʉ kꞌãwũã bꞌebʉrʉta miõã jararãrũã, awuarabʉrʉ wãpe sacerdotea ũdubirua, mobe bʉzhi bꞌedꞌabari nendʉwʉrʉta babuedꞌamarẽã diadua, Moiséba jaradꞌa kĩrãkꞌa odua bʉ bꞌebʉrʉta ãzha kꞌawuadꞌamarẽã.
Mawũãnaĩ Jesúsbara daʉbꞌerrea bꞌʉra juwuadꞌe jidape pʉwʉrʉdꞌebara ãĩ edesia. Mobe dabʉza idꞌope juwua ʉ̃rʉ̃ bꞌʉpe widꞌisia ne ũdu kꞌobꞌʉ kꞌawuaita.
Jesúsbara jarasia maʉ̃ta miõã jaradꞌa ẽbamarẽã. Mawũãmina mawũã jarabʉrʉdꞌera wuaabʉrʉ nebʉrʉsidꞌa.
Maʉ̃nerã Jesúsbara zarea jarakꞌasia maʉ̃ta miõã kꞌawuabidꞌa ẽbamarẽã, mobe jarasia zhiko diadꞌamarẽã wũẽrã zakera.
Maʉ̃nerã zarea jarakꞌasia izhi ʉ̃rʉ̃ dajada bedꞌeadꞌa ẽbamarẽã.
Aramaʉ̃ne ãzhira ne ũdu panesia. Jesúsbara zarea jarabʉrʉta mawũãsia: Kꞌãʉ̃ta miõã kꞌawuabirãũdua.
Mawũãĩ wakusa juwuata dabʉza ʉ̃rʉ̃ bꞌʉbʉrʉba ne ũdubisia. Aramaʉ̃ne ne ũdu bꞌesia, mawũẽ wawarauba bi-ia ũdusia ne jõma.
