40 Mawũãĩ sewakꞌau bꞌʉa asidꞌa. Mawũãmina izhara jõma ãĩ wãbigape bari wũẽrã zake zezeta zhi papata edebʉrʉta, izha jʉrʉkuadꞌata ũbea izhi bawara kꞌopanʉta edebʉrʉta edꞌa wãsia wũẽrã zake beu tabꞌʉ maẽ.
Mawũã beudꞌata piradrʉdꞌata ũrĩbʉdadꞌera ʉ̃kʉrʉbara sewakꞌau bꞌʉa asidꞌa, waya dewaraurãbara mawũãsidꞌa: Daibara bʉ bedꞌeara tẽãne ũrĩnaña maʉ̃nebemata wakusa.
Fariseorãba maʉ̃ jõma ũrĩbʉdadꞌera biodꞌe plata kʉãgꞌa bꞌeba sewakꞌau bꞌʉa asidꞌa Jesúra.
Daizezeitabemata usarãã diarãũdua marãta kꞌadꞌa ẽbamarẽã, miã perla marãne nʉmʉta chĩnarãã diarãũdua biradigadꞌa ẽbamarẽã, marãta dragꞌakuadꞌa ẽbamarẽã. (Ũrĩ krĩña ẽã bꞌeara aramaʉ̃ kĩrãkꞌa Daizeze bedꞌeara jararãũdua marã bĩ ẽã odꞌa ẽbamarẽã.)
Zhikota yedꞌa wãbʉrʉbara dazhira mitia o ẽã, mawũãmina yedꞌauba ze bꞌʉbara Daizeze kĩrãbitara dazhira mitia obꞌʉa.
Edꞌa wãpe mawũãsia: ¿Kꞌãrẽã kꞌãwũã bꞌʉgadrʉ jẽga duanu? Wũẽrã zakera beu ẽã, awuarabʉrʉ kꞌãĩ bꞌʉa.
Mobe wũẽrã zakera juwuadꞌe jidape mawũãsia: ¡Talita cumi! Maʉ̃ bedꞌeabara mawũãsia: Wũẽrã zake, mʉã bʉaa jaraya piradrʉrua.
