13 Maʉ̃ tẽã Jesús wãrĩzesia kꞌatumaĩnu, mobe izhima trʉ̃kuasia izha krĩñata, mawũẽ zesidꞌa izhima.
Jesúsbara izha jʉrʉkuadꞌa doceta ãba jʉrepe zareata dedꞌekasia jai jõmaʉ̃ ʉ̃rʉ̃, aramaʉ̃ne bꞌebidꞌamarẽã kꞌayarãsidꞌa.
Maʉ̃nerã ãba trʉ̃kuasia doceta, mobe zokꞌakuasia ũme ũmekꞌa, zareata dedꞌekasia jai bꞌe ʉ̃rʉ̃.
Kꞌabanata ũdupe Jesús kꞌatuma zakeidꞌu wãrĩzepe jewedꞌabʉrʉdꞌe orrasidꞌa izha jʉrʉkuadꞌabara.
Mobebʉrʉ docera jʉrʉkuasia izhi bawara duanebibʉrʉta zokꞌakuaita miã ũrãgꞌadꞌe.
Mawũẽ Jesús wãrĩzesia kꞌatuma zakeidꞌu, mobe mama jewedꞌasia izha jʉrʉkuadꞌa bawara.
