17 Keubʉrʉdꞌera Jesús zesia izha jʉrʉkuadꞌata doce bawara.
Nekꞌoita arababʉrʉdꞌera Jesús nekꞌoita jewedꞌasia, izhi bawara jewedꞌasidꞌa izha zokꞌakuadꞌata bꞌesidꞌa.
Izha jʉrʉkuadꞌara wãnape Jerusalén pʉwʉrʉdꞌe edꞌa wãbʉdadꞌera ũdusidꞌa izha jaradꞌa kĩrãkꞌa. Zhikora aramaʉ̃ne osidꞌa Egiptodꞌeba ẽzoadꞌata krĩcha fiesta obadata.
Mobe jewedꞌa duanepe nekꞌobʉdadꞌera Jesúsbara mawũãsia: Mʉã wãrĩnu marãã jaraya, marãnebemata iabꞌa mʉ ũme nekꞌo kꞌobꞌʉba mʉrã chãbꞌariya.
Mʉãrã marã jõma jara kꞌobꞌʉ ẽã, mʉãrã kꞌawua bꞌʉa kꞌairãta jʉrʉkuadꞌata. Mawũãmina arimaẽ berabꞌarii barata zhi bꞌʉmata mawũã bꞌʉa: Mʉ ũme nekꞌo bꞌʉra mʉ ʉ̃rʉ̃ baya.
