24 Izha jʉrʉkuadꞌara kꞌawua ẽã krĩchasidꞌa maʉ̃ta jarabʉrʉba, mawũẽ Jesúsbara wakusa mawũãsia: ¡Daizezeta Nokꞌodꞌebemane edꞌara borekea edꞌa wãna ẽã ne biota krĩcha bꞌera!
Fariseorãba maʉ̃ jõma ũrĩbʉdadꞌera biodꞌe plata kʉãgꞌa bꞌeba sewakꞌau bꞌʉa asidꞌa Jesúra.
Warrarã, mʉrã marã bawara kꞌobꞌaya aritiaedꞌa. Marãbara mʉrã jʉrʉdꞌaya, mawũãmina judíorãã mʉã jaradꞌa kĩrãkꞌa mʉã marãã jaraya: Mʉ wãĩma marã wã bꞌedꞌa ẽã.
Maʉ̃ne Jesúsbara mawũãsia: Warrarã, ¿jidasidꞌakꞌa bꞌeda kꞌoira? Mawũãĩ panaʉ̃ mawũãsidꞌa: Jidadꞌa ẽã.
Maʉ̃ta ũrĩnape izhi pẽwã bꞌebara bioba mawũãsidꞌa: Maʉ̃ bedꞌeara zarea. ¿Mawũẽ kꞌaiba ũrĩ bꞌeipe?
Izha jʉrʉkuadꞌabara maʉ̃ta ũrĩnape kꞌawua ẽã krĩcha mawũãsidꞌa: ¿Bara bꞌʉsidꞌa mawũãbʉrʉ kꞌaita ẽdrʉipe?
Mawũẽ jõma perabʉdaba ãzhirãĩnu mawũãsidꞌa: ¿Naʉ̃ kꞌãrẽ zhi zromape? ¿Naʉ̃ ũrãgꞌara zhiwidꞌita kꞌãrẽ zhi zromape? Jaira zarea bara jʉrekua bꞌʉba izhi bedꞌeara aribꞌae panʉã.
Mawũẽ Jesúsbara pʉrʉwa akʉpe izha jʉrʉkuadꞌaa mawũãsia: ¡Daizezeta Nokꞌodꞌebemane edꞌara borekea edꞌa wãna ẽã bara bꞌera!
