40 Maʉ̃ne Jesúsbara mawũãsia: Simón, mʉã bʉaa ne jaraya. Mawũãĩ izhara mawũãsia: Jaradua Miã Ũrãgꞌabari.
Idꞌibʉrʉ daibara kꞌawuabʉda bʉara ne jõma kꞌawua bꞌʉta, mawũẽ miõba kꞌãrẽ widꞌidꞌaira nesidꞌa ẽã, kꞌãʉ̃ba daibara ĩjã bꞌea bʉra zesita Daizeze maẽba.
Jesúsbara kꞌawuasia widꞌi krĩña kꞌobꞌeta, mawũẽ mawũãsia: ¿Marãbara mazhirãĩnu widꞌi kꞌobꞌe ẽka mʉã mawũãnata: Dããrã ẽãne marãbara mʉrã ũdudꞌa ẽbaya, mawũãmina dããrã ẽãne mʉrã wakusa ũdudꞌaya?
Marãbara mʉrã jara bꞌea Miã Ũrãgꞌabarita, Nokꞌota, mawũã jaradꞌaira biga mʉrã maʉ̃ baera.
Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.
Nokꞌoba Jesúa widꞌi mawũãsia: Miã Ũrãgꞌabari, bʉra biata bꞌʉa, ¿mʉãrã kꞌãrẽta oi barape Daizeze ũme bꞌai jõ ẽãta jidaira?
Mawũãmina izhara ãzhi mawũã krĩcha kꞌobꞌeta kꞌawuape juwua bagu bꞌʉa mawũãsia: Piradrʉpe ẽsadra nʉmedua. Mawũãĩ izhira piradrʉpe edau nʉmesia.
Mawũãnaĩ Jesúsba panaʉ̃ mawũãsia: Bika bꞌebara nesidꞌa duanu ẽã zhãrã bꞌebi bꞌʉra, awuarabʉrʉ nesidꞌa bꞌea kꞌayarãbʉrʉ.
Jesúsbara ãzhi mawũã krĩcha kꞌobꞌeta kꞌawuape mawũãsia: ¿Kꞌãrẽta krĩcha kꞌobꞌe marã sodꞌera?
Daizezeba kꞌawua oi ewadera bioba mʉãã mawũãnaña: Nokꞌó, ¿daibara bedꞌeata bʉa jarabibʉrʉta jarasidꞌa ẽka, bʉ trʉ̃neba daibara jaira ãĩ jʉrekuasidꞌa ẽka, bʉ trʉ̃neba daibara bio osidꞌa ẽka ũdudꞌakꞌata?
Mawũẽ aramaʉ̃ta Jesús orrape mawũãsia: ¡Miã Ũrãgꞌabari kʉa! asia. Mobe kĩrãma nigasia.
Fariseo Jesús trʉ̃naba maʉ̃ta ũdui izhikusa mawũãsia: Naʉ̃ta Daizezeba bedꞌeata jarabibarita bꞌʉbʉrʉ kꞌawua kꞌausia wũẽrã sãwũã bꞌʉba izhi tõbꞌari kꞌobꞌʉta, kꞌazhirua omiãta bꞌʉta.
Mawũãĩ Jesúsbara mawũãsia: Plata prestabariba erubꞌasia ũme debe panʉta. Trabajodꞌera abꞌa ewari quiniento deweta dewe basia denario quiniento, dewarabemata cincuenta.
