15 Rey bape jẽrũya zebʉrʉdꞌera izhi nezokꞌarã izha plata dedꞌekadꞌata trʉ̃bigasia kꞌãrẽ negociota osidꞌa kꞌawuaita abꞌa abꞌaʉba.
Mawũãmina iabꞌaʉba kꞌawua ẽãba uidꞌebemata ora bio u ẽã. Daizezeba iabꞌaʉa kꞌãrẽ bio diabʉrʉdꞌera kꞌãrẽ bio aribꞌae nʉmabiya. Aramaʉ̃ne iabꞌaʉa kꞌãrẽ bio chãbꞌaribʉrʉdꞌera kꞌãrẽ audre aribꞌae nʉmabiya.
Tẽãne ewari dããrãne mawũã nezokꞌarã nokꞌora zepe widꞌisia platadꞌebemata.
Mawũãmina izhi druadꞌebemabara jurade basia, mawũẽ zhãrãta kꞌaidꞌu zokꞌasidꞌa mawũãnamarẽã: Daibara krĩñana ẽã naʉ̃ dai rey baira.
Mawũẽ naara zebʉrʉbara mawũãsia: Nokꞌó, bʉ mina abꞌaʉba ganasia audꞌu diez minas.
