34 Ãzhara maʉ̃ sãwũãta kꞌawuadꞌa ẽbasia, maʉ̃ bedꞌeara sãwũãta kꞌawuadꞌa ẽbaera mawũã jarakꞌabʉrʉra.
Maʉ̃ta jarabʉrʉra ãzhara sãwũãta kꞌawuadꞌa ẽbasia sãwũãta kꞌawuabiga ẽãba. Perasidꞌa maʉ̃ bedꞌeata widꞌidꞌaira.
Maʉ̃ta jarabʉrʉra ãzhara sãwũãta kꞌawuadꞌa ẽãta perasidꞌa widꞌidꞌaita.
Izha jʉrʉkuadꞌabara maʉ̃ naarara sãwũãrã kꞌawuadꞌa ẽbasia, mawũãmina Jesús ʉ̃taa wãna tẽãne bude basidꞌa maʉ̃ izhi ʉ̃rʉ̃bemata bꞌʉ tabꞌedꞌe odꞌapeadꞌata.
Jesúsbara mawũã ne jarakꞌasia, mawũãmina ãzhara kꞌawuadꞌa ẽbasia kꞌãrẽta jara krĩñabʉrʉra.
Mobebʉrʉ krĩcha ewekuasia sãwũãta kꞌawuadꞌamarẽã Daizeze bedꞌeata zhi bꞌʉmata.
Mawũãnaĩ Jesúsbara mawũãsia: ¡Marã krĩcha ne ẽã bꞌea, marãbara sodꞌebara ĩñabasia jõma ĩjãĩta duanu ẽã Daizezeba bedꞌeata jarabibarirãba jaradꞌapeadꞌara!
Ãzhara ũrĩ bꞌedꞌa ẽbasia mawũã jarabʉrʉra.
Udꞌape beadꞌaya, mawũãmina ewari ũbeadꞌe piradrʉya beudꞌata.
