16 Ʉ̃kʉrʉbara wãẽãbidꞌaita ũdudꞌakꞌata ũdubimarẽã jarasidꞌa Daizezedꞌeba nʉmʉbʉrʉ.
Mawũãĩ mawũãsidꞌa: ¿Bʉara kꞌãrẽta ũdudꞌakꞌata oipe daiba maʉ̃ta ũdudꞌape bʉdꞌebemata ĩjãnaĩrã? ¿Bʉara kꞌãrẽta oipe?
Kꞌabana bʉredrʉ bʉsidꞌe Jesúsbara mawũãsia: Zhãrã idꞌi ewadebema bia ẽãta bꞌea. Mʉta Daizezedꞌeba nʉmʉbʉrʉ ũdudꞌakꞌata ũdubimarẽã jara bꞌea. Mawũãmina mʉãrã ũdudꞌakꞌara ũdubiga ẽã, awuarabʉrʉ ũdubigaya Jonás berabꞌaridꞌa kĩrãkꞌabʉrʉ.
Maʉ̃ta jarasidꞌa wãẽãbidꞌape nokꞌoa jidꞌai kꞌarea. Mawũãmina Jesús ju kꞌobꞌepe egorodꞌe ne bꞌʉsia juwua jĩwĩniba.
