6 Maʉ̃ta jarape egorodꞌe idꞌosia, aramaʉ̃ne egorora idꞌoba susua ope maʉ̃ egoro susuaba pãrĩkua kꞌobꞌʉsia daʉbꞌerrea bꞌʉ dabʉta.
Mawũãnaĩ Jesúsbara daʉbꞌerrea bꞌʉra juwuadꞌe jidape pʉwʉrʉdꞌebara ãĩ edesia. Mobe dabʉza idꞌope juwua ʉ̃rʉ̃ bꞌʉpe widꞌisia ne ũdu kꞌobꞌʉ kꞌawuaita.
Mawũãnaĩ zhãrã maẽbara ãĩ edepe juwua jĩwĩnita pẽũsia kʉwʉrʉza, mobe juwua jĩwĩnine idꞌope tõbꞌarisia kĩrãmeta.
Mawũãnaĩ izhara panaʉ̃ mawũãsia: Jesús abadaba egorota idꞌoba susua ope mʉ dabʉta pãrĩkua kꞌobꞌʉpe mawũãsia: Siloé posoidꞌu wãpe sʉgʉdua. Mawũãĩ mʉrã wãpe sʉgʉsia, aramaʉ̃ne mʉrã ne ũdusia.
