30 Jesúsbara dewara ũdudꞌakꞌata bio osia izha jʉrʉkuadꞌa daidꞌu, maʉ̃ zhi bꞌʉma ẽã naʉ̃ librodꞌera.
Dewara ne bio bꞌʉa Jesúsba odꞌara. Maʉ̃ta abꞌa abꞌaʉdꞌe bꞌʉsidꞌabʉrʉ mʉma ẽjũãnerã ara ẽbakꞌausia libro bꞌʉkuadꞌara. Amén.
Naara kꞌãrẽ bꞌʉdꞌapeadꞌara dazhi ũrãgꞌata bꞌʉsidꞌa, mawũã zhi bꞌʉmabara kꞌãrẽ zrogꞌa wãnigua nʉmabiga bꞌʉa Daizeze ũme bia nʉmeta kꞌawua bꞌeamarẽã.
Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.
Kꞌabanata izhi kꞌaidꞌu wãsidꞌa ũdudꞌakꞌata ũdu bꞌeta bꞌebiga nʉmʉba kꞌayarãta.
