5 Jesús ãĩ webʉdadꞌera corona jʉ̃kꞌara ʉrʉta burudꞌe joatrʉ nʉmasia, ãnebꞌari bꞌasia wua granateta. Maʉ̃ne Pilatobara mawũãsia: ¡Naʉ̃ za bꞌidꞌa!
Soldaorãbara corona jʉ̃kꞌara ʉrʉta pʉrrasidꞌa, mobe burudꞌe joatrʉsidꞌa. Mobe ãnebꞌaribisidꞌa wua granateta.
Nrũẽma Juanbara Jesús izhima uruta ũdupe mawũãsia: Akaudua, kꞌãʉ̃ta Oveja zake Daizezedꞌea, naʉ̃bara kꞌazhirua ne ẽã oya ẽjũãne zhãrã bꞌeta.
Mobe burudꞌe joatrʉsidꞌa corona jʉ̃kꞌara ʉrʉta pʉrradꞌape, mobebʉrʉ bakuruta rey barra zadꞌe juwua araare jidabisidꞌa. Mobe wawiabʉda kĩrãkꞌa izhi kĩrãbita sãkꞌokꞌodꞌe bꞌadape sewa mawũãsidꞌa: ¡Kʉa, judíorã Rey!
