15 Mʉãrã widꞌi ẽã bʉa naʉ̃ ẽjũãneba ãĩ jʉre edemarẽã, awuarabʉrʉ widꞌi bꞌʉa kꞌarebamarẽã ãtõmiã bia ẽã juwuadꞌeba.
Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara. Reyta nʉmaĩrã bʉrea, zareara bʉrea, zhi zromata nʉmaĩrã bʉrea ewari nʉmʉ jõma. Amén.
Daiba kꞌazhiruata odꞌadꞌebara daira bedꞌea ne ẽã duanebirua, daibidꞌa bedꞌea ne ẽãne edabada dai bĩ ẽã obʉdata jõma. Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara.
Kꞌãrẽta marãba odꞌaibʉrʉ ãjãne audua, odꞌa ẽbʉrʉ ãjãne arãũdua. Ne ãmaña jarabʉrʉra bia ẽãneba ze bꞌʉta ãtõmiãneba ze bꞌʉa.
Mawũãmina mʉrã bʉ bari Daizezea zuburia bedꞌeasia, mʉnebema ĩjã bꞌʉta kenabꞌari ẽbamarẽã. Mawũẽ bʉta wakusa mʉ pẽwãbʉrʉdꞌera jipa nʉmeãĩta kꞌarebarua bʉzhi mebẽrãta.
