24 Mawũãmina maʉ̃ta kꞌawuasia Saulobara. Ãzhara pʉwʉrʉdꞌera o abꞌaʉdꞌe puertaza ewaridꞌe diamase kꞌawua duanasia beadꞌaita.
Sewa ãzhi biata omarẽã widꞌisidꞌa Pablo webimarẽã Jerusalén pʉwʉrʉedꞌa, aramaʉ̃ne beabidꞌai basia odꞌe.
Mʉãrã Nokꞌo Jesúsba jara bꞌʉta ibiadꞌe aribꞌae bꞌʉa, aramaʉ̃ne daubꞌa biodꞌe zuburia nʉmʉã bea krĩña bꞌeba judíorãba.
Mama jedꞌekꞌo ũbea bꞌape barcodꞌe Siria druaedꞌa wãĩne kꞌawuasia judíorãba bĩ ẽã odꞌaita bedꞌea ausidꞌata, mawũẽ jẽrũya wãĩta krĩchasia Macedoniãre.
Bia ẽãta mʉã osibʉrʉ, o mʉ beadꞌaidꞌebemata mʉã osibʉrʉ mʉrã beuama ẽã. Mawũãmina naʉ̃rãba mʉ jirpanʉnebemata miã kꞌãrẽta ne ẽbʉrʉ, mʉrã miõba chãbꞌari bꞌe ẽã ãzhaara. Mʉãrã krĩña bꞌʉa mʉrã rey Césarba kꞌawua oita.
Mawũãmina ũmakĩrã naʉ̃ judíorãba jirtopoita merũ jirpanʉta jaradꞌai aramaʉ̃ta mʉãrã zokꞌasia bʉma. Mʉãrã izhi jirpanʉrãã jarasia bʉ kĩrãbita jaradꞌamarẽã kꞌãrẽta erubꞌebʉrʉ izhi ʉ̃rʉ̃. Bia bꞌadua.
Mawũẽ Jesúsdꞌebema ĩjã bꞌebara pʉwʉrʉta muroba pʉrra nʉmʉ audꞌu diamase edꞌaa ʉra bꞌaebisidꞌa jirabꞌʉdꞌape jamaradꞌe.
