Hechos 23:24 - Porciones del Nuevo Testamento

²⁴ Kꞌawayodꞌe silla bꞌʉdꞌamarẽã jarasia Pablo maʉ̃ne bꞌaribidꞌape zokꞌai erjũẽnamarẽã nokꞌo Félix bꞌʉma.

Hechos 23:24 交叉引用

Hechos 25:14

Mama ewari bio panebʉdaba Festobara rey Agripaa Pablodꞌebemata jara mawũãsia: Iabꞌa cárceldꞌe ãmaẽsia Félixba.

Hechos 24:10

Nokꞌobara juwuaba Pabloa jarasia bedꞌeamarẽã, mawũẽ mawũãsia: Mʉãrã kꞌawua bꞌʉa bʉra año bio bata bedꞌea araa obꞌʉta kꞌãwũã daidꞌebemata, mawũẽ mʉrã wãnigua bedꞌeaya mʉzhikusa zhi kꞌarebaita.

Hechos 23:26

Mʉrã Claudio Lisia, Félix bʉra nokꞌota zhi zromaã mʉãrã saludo diabuebʉrʉa.

Hechos 23:33

Jarirã Cesarea pʉwʉrʉedꞌa jũẽkuape kꞌartara diasidꞌa nokꞌoa. Pablora kꞌobꞌʉsidꞌa izhi kĩrãbita.

Lucas 10:34

Mawũẽ orrape zhara kꞌõgꞌozoadꞌata wuaba pãrĩkuasia, maʉ̃nerã vinoba sʉgʉpe olivo dragꞌaba soasia. Mobe izhi burrodꞌe kꞌobꞌʉpe edesia odꞌe wã nʉmʉta kꞌãĩbadaidꞌu, aramaʉ̃ne akʉsia.

Lucas 3:1

Tiberio César Romanebema reyta bꞌʉta quince año babʉrʉdꞌera nokꞌorã izhi edre bꞌeta Poncio Pilato nokꞌota bꞌasia Judea druadꞌe, Herode reyta bꞌasia Galilea druadꞌe, zhi mebea Felipe nokꞌota bꞌasia Iturea druadꞌe, dewara Traconite druadꞌe. Lisania nokꞌota bꞌasia Abilinia druadꞌe.

Mateo 27:2

Mawũẽ juwua tãjʉ̃ ededꞌape Pilatoa chãbꞌarisidꞌa Roma bidꞌata nokꞌoa.

Hechos 23:25

Kꞌarta bꞌʉpe diabuedꞌera mawũãsia:

Hechos 24:1

Maʉ̃ tẽã ewari juesomane Ananía sacerdote wagꞌauta Cesarea pʉwʉrʉedꞌa edꞌaa zesia nokꞌorã ʉ̃kʉrʉ bawara, dewara zesia zhãrãbari bedꞌeabarita Tértulo abadata. Maʉ̃rãta nokꞌo kĩrãbita zesidꞌa Pablo jidꞌaita.

Hechos 24:3

Bʉra zhi zroma Félix, bʉa obꞌʉdꞌebema daibara ewariza baridu maẽ jida bꞌea kꞌãbãẽã sobia.