32 Maʉ̃ẽna ʉ̃kʉrʉbara ne abꞌaʉta jara bꞌikua nʉmʉnerã, dewaraurãbidꞌa ne awʉrʉta jara bꞌikua nʉmasia zhi kꞌabanabara kꞌawuadꞌa ẽãba kꞌãrẽã zhi jʉredꞌapeadꞌata.
Mawũãmina kꞌabanane edꞌara ʉ̃kʉrʉba ne abꞌaʉta jara, waya dewaraurãba ne awʉrʉta jara bꞌikua nʉmasia. Mawũã bꞌʉgadrʉ nʉmʉba miã kꞌãrẽta bia kꞌawua ẽãba jarasia ededꞌamarẽã soldaorã tabꞌʉ dedꞌa.
Bedꞌeata bꞌaya dazhirãta nokꞌorãba jidadꞌara idꞌi kꞌãwũã nʉme kꞌarea, dazhirãbara jara bꞌedꞌa ẽã kꞌãrẽã kꞌãwũã kĩrũ nʉmerã.
Aramaʉ̃ne pʉwʉrʉdꞌebema kꞌawua ẽãkua dogꞌoba zhi jʉrebadaidꞌu piraposia jidadꞌape Gayota Aristarcota, maʉ̃rã Macedonia bidꞌarãta panasia Pablo kꞌaidꞌu.
Nokꞌorãnebema ʉ̃kʉrʉ Asia druadꞌebemabidꞌa izhi ũme biarãba bedꞌeata jarabuebʉdata zuburia bedꞌeasidꞌa edꞌa wã ẽbamarẽã zhi jʉrebadaidꞌu.
