30 Aramaʉ̃ne zokꞌakuadꞌapeadꞌara edꞌaa wãsidꞌa Antioquíaedꞌa. Mobe mebẽrãta ãba jʉredꞌape diasidꞌa kꞌartara.
Pʉwʉrʉza berabꞌari wãne jara wãbʉdata Jesúsba zokꞌakuadꞌata, nokꞌorã mebẽrãneta Jerusalénne bꞌeta krĩcha abꞌarika zedꞌadꞌebemata jara wãsidꞌa aribꞌaedꞌamarẽã.
Mawũẽ doce Jesúsba zokꞌakuadꞌabara zhi ĩjã bꞌe kꞌabanata trʉ̃nape mawũãsidꞌa: Biga ẽã daiba Daizeze bedꞌea jara ẽã idaribidꞌaira zhãrã zhiko diaita.
Jarirã Cesarea pʉwʉrʉedꞌa jũẽkuape kꞌartara diasidꞌa nokꞌoa. Pablora kꞌobꞌʉsidꞌa izhi kĩrãbita.
¿Maʉ̃ẽnabemanerã sãwũãnaĩpe? Kꞌabanata wãrãne zhi jʉredꞌaya ũrĩbʉdaba bʉ zedꞌata.
Esteban beasidꞌadꞌe Jesúsdꞌebema ĩjã bꞌera zuburia odꞌaita pẽwãsidꞌadꞌera zhi jãrãzoabʉrʉra wãsidꞌa Fenicia druaidꞌu, Chipre dodꞌuidꞌu, Antioquía pʉwʉrʉidꞌu. Maʉ̃nerã awʉrʉa jaradꞌa ẽbasia Jesúsdꞌebema bedꞌeara, awuarabʉrʉ jarasidꞌa judíorãta bꞌea.
Mawũãmina ãzhirãnebema ʉ̃kʉrʉ bꞌeasia Chipredꞌebemata, Cirene druadꞌebemata, maʉ̃rãta Antioquíaidꞌu jũẽkuabʉrʉdꞌera griegorããbidꞌa bedꞌea biata jarasidꞌa Nokꞌo Jesúsdꞌebemata.
Maʉ̃ ewadera Daizezeba bedꞌeata jarabibarirãta ʉ̃kʉrʉ Jerusalénneba edꞌaa wãsidꞌa Antioquíaedꞌa.
Mobebʉrʉ Jesúsba zokꞌakuadꞌama, nokꞌorã mebẽrãnema, mebẽrã jõmaʉ̃ma bia zesia ʉ̃kʉrʉ jʉrʉdꞌape zokꞌadꞌaita Antioquíaedꞌa Pablo bawara Bernabé bawara: Aramaʉ̃ne jʉrʉsidꞌa Juda abꞌaʉta Barsabáta, Silata, maʉ̃rãta zhi zromata panasia mebẽrãne edꞌa.
Ledꞌape sobiasidꞌa aramaʉ̃ne adu-a bꞌeabibʉdaba.
