34 Beudꞌata piradrʉbibʉrʉba bꞌerawakꞌata bꞌaira mawũãsia: Mʉã marã sozuburiaya mʉã sozuburiaita jaradꞌa kĩrãkꞌa Davita.
Kꞌawua bꞌea Cristo beudꞌata piradrʉdꞌara ya beu ẽã, bebura wueta zarea ne ẽã izhi ʉ̃rʉ̃rã.
Mawũãmina jari beudꞌata Daizezeba piradrʉbidꞌara bꞌerawa ẽbasia.
Maʉ̃ta Daizezeba beudꞌata piradrʉbibʉrʉba bebuta puadꞌebara ẽdrʉbisia, bebuba kꞌabꞌariita bꞌasi ẽbaera.
Mawũãmina Daizezebara beudꞌata piradrʉbisia.
Maʉ̃ Daizezebara dazhirã ãzhi warrarãĩta aribꞌaebʉrʉta beudꞌata piradrʉbisia Jesúra. Maʉ̃ta zhi bꞌʉmata Salmo ũmene mawũã bꞌʉa: Bʉra mʉ Warra, mʉã bʉra bꞌidꞌapʉa idꞌi.
