22 Maʉ̃ ãĩ bꞌʉpe reyta bꞌʉsia Davita, maʉ̃nebema izhara mawũãsia: Mʉãrã ũdubʉrʉa David Isaí warra mʉ soba krĩñane bꞌʉta, naʉ̃bara jõma oya mʉã krĩñata.
Daizezema Davira bia nʉmasia, Davidbara izhi Daizezeita de oita widꞌisia mama izhita ibia jaradꞌamarẽã Jacobo warrarãnebemaba.
Daizezebara jõmaʉ̃ sota ũdukꞌawua bꞌʉba mawũã ĩjãnaĩrã bigata kꞌawuabibʉrʉba Jawurebiata dedꞌekasia dazhirãã diadꞌa kĩrãkꞌa.
Wãrãnebai Davidbara zhãrã izhi ewaridꞌebema aribꞌaesia Daizezeba krĩñane, maʉ̃ne beupe wuagꞌasidꞌa zhibarirã bꞌeadꞌa bawara, aramaʉ̃ne bꞌerawasia.
