30 Mawũãĩ Corneliobara mawũãsia: Ewari kĩmarẽ babʉrʉa mʉ naʉ̃ ʉ̃madaudꞌe nekꞌo ẽã zhiwidꞌi bꞌadꞌata, a las tres mʉzhi dedꞌa zhiwidꞌi nʉmʉne mʉã ũdusia ũmakĩrãta mʉ kĩrãbita nʉmebʉrʉta wua ʉ̃nata jʉ̃ bꞌʉta.
Maʉ̃bara kꞌãĩmokꞌaradꞌe kĩrãkꞌa a las tres dajada ne ũdubʉrʉta ángel Daizezedꞌeta izhi bꞌʉ maẽ edꞌa zepe mawũãsia: Cornelio.
Aramaʉ̃ne ʉ̃taa wãta akʉ kꞌobꞌedꞌe ũmakĩrãrãta ũme ãzhi kꞌaita ʉ̃ta kꞌopanesia wua torro jʉ̃ panʉta.
Ewari abꞌa Pedro Juan ũme Daizeze deidꞌu wãrĩze wãsidꞌa a las tres zhiwidꞌibada ʉ̃madaudꞌe.
Maʉ̃ba kꞌawua ẽã krĩcha kꞌobꞌedꞌe, ũmakĩrã ũme ãzhi kꞌaita barabꞌesia wua uruzhiderrea jʉ̃ panʉta.
Mawũẽ maʉ̃bara mawũãsia: Perarãũdua, marãbara jʉrʉ panʉã Jesús Nazaredꞌebema cruzdꞌe kꞌachidꞌapeadꞌata. Beudꞌata piradrʉsia, nama ne ẽã. Akaudua izhi tabꞌʉdꞌapeadꞌata.
Izhira ba ʉ̃na kĩrãkꞌa bꞌasia, izhi wuara totroa bꞌasia.
Mawũãĩ ãzhara mawũãsidꞌa: Cornelio soldaorã nokꞌota biata bꞌʉbara Daizeze wawia bꞌʉa, izhira judíorã jõmaʉ̃ba bia jara bꞌea. Ángelba maʉ̃ã jarasia bʉta izhi dedꞌa jũẽbimarẽã bʉ bedꞌeata ũrĩĩta.
Maʉ̃ba mʉta trʉ̃naĩ zesia ne jara ẽã. Mawũẽ mʉã widꞌiya: ¿Mʉrã kꞌãrẽã zebibʉda?
Maʉ̃bara mawũãsia: Cornelio, bʉ zhiwidꞌi bꞌʉra zhi ũrĩma, zuburia bꞌeta bʉa ne bari dia bꞌʉra bude nʉmʉkꞌãrĩã Daizezebara.
