14 Maʉ̃rãta baridua ãba zhiwidꞌi duanasia wũẽrãrã bawara, Jesús papa María bawara, Jesús mebẽrã bawara.
Waya daira zhiwidꞌi bꞌeaya, Daizeze bedꞌeata jara bꞌeaya.
Mobe Jesúsba zokꞌakuadꞌa ũrãgꞌadꞌe duanesia, aramaʉ̃ne zhiya ãba duane bꞌʉta Jesús bebu krĩcha pan pewa kꞌo duanasia, zhiwidꞌi duanasia.
Daizezedꞌeba kꞌãrẽ jidaita krĩcha jʉ̃ã bꞌeba sobia bꞌeaudua, zuburia nʉmʉrã zrogꞌaudua, baridua zhiwidꞌiudua.
Jesúsbara ne jarakꞌasia ewariza zhiwidꞌii baradꞌebemata poea ẽã.
Jõma marãba widꞌibʉdara zhiwidꞌi soidꞌu kꞌobꞌebʉrʉ jidadꞌaya.
Pentecosté ewarita araa zebʉrʉdꞌera Jesúsdꞌebema ĩjã bꞌera jõma ãba duanasia.
Marã bia ẽãta bꞌeba mazhi warrarãã ne biata dia kꞌawua bꞌebʉrʉ, ¿marã Zeze ʉ̃trebemabara audrebai Jawurebiata diai ẽka zhi widꞌibʉdaara?
Ewariza ãba duane bꞌasia Daizeze dedꞌa ewara maẽ, ãzhi dedꞌara zhiko ãbaʉba kꞌo bꞌeasia bꞌʉsridꞌa sobia.
Mobe Daizeze dedꞌa ewara maẽ ewariza ze bꞌeasia Daizeze ibia jara bꞌeta. Amén.
Zhãrã kꞌobꞌea Jesús mawũã bedꞌea nʉmʉne, zhi papata zhi mebẽrãta ewaradꞌe kꞌopanʉta izhaa bedꞌea krĩña kꞌopanasia.
Ãzhira panasia María Magdalenata, Juanata, María Jacobo papata, awʉrʉrãsidꞌa ãzhi bawara panasia, maʉ̃rãba maʉ̃ta jarasidꞌa Jesúsba jʉrʉkuadꞌaa.
Wũẽrãrã Jesús kꞌaidꞌu Galileadꞌeba zedꞌapeadꞌasidꞌa kꞌaidꞌu zebʉdaba ũdusidꞌa beuwãrã wuagꞌaidꞌebema nʉmʉ maẽ Jesús kꞌakua tabꞌʉbʉdata.
Mawũãmina jõma Jesúsba ũdukꞌaubara, wũẽrãrã Galilea druadꞌeba izhi kꞌaidꞌu zekuadꞌabara wawarauba akʉ duanasia mawũã dogꞌora.
Sábado ẽnaʉ̃bada ewarita berabꞌaribʉrʉdꞌera, María Magdalenaba, dewarabema María Jacobo papaba, dewara Saloméba kerata edasidꞌa wãnaĩta Jesús kꞌakuata tũã odꞌaita.
Wũẽrãrãsidꞌa ʉ̃kʉrʉ duanasia wawarauba akʉ bꞌeta. Maʉ̃rãnebema duanasia María Magdalenata, dewarabema María zhi wau tẽãbema Jacoboba, Joséba ãzhi papata bꞌasia, dewara bꞌasia Salométa.
Mama wũẽrãrã bioba wawarauba akʉ duanasia, Galileadꞌeba Jesús kꞌaidꞌu bꞌeta izhita aribꞌae duanasia.
Aramaʉ̃ta piradrʉdꞌape jẽrũya wãsidꞌa Jerusalén pʉwʉrʉedꞌa, mawũẽ Jesúsba jʉrʉkuadꞌa onceta zhi jʉre duanuta ũdubʉdadꞌera ũdusidꞌa ãzhi bawara duanusidꞌa.
Maʉ̃ne jara mawũãsidꞌa: Bʉ papata bʉ mebẽrãta ewaradꞌe kꞌopanʉã, bʉta ũdu krĩña panʉã.
