1 Reyes 18:24 - Las Escrituras en Ashéninka Ucayali del Sur

²⁴ Opoñaashita pikowakoteri pitajorentsite-paeni eerokaete, pipaeriiro iwaero. Rooma naaka nopaeriiro iwaero Notajorentsite. Itzimi-rika Tajorentsi kematsini, owayiiteroni paamari, riitaki maperotzirori Itajorentsitzi.” Ikanteeyini maawoeni Israel-paeni: “¡Ariwé!”

1 Reyes 18:24 交叉引用

1 Reyes 18:38

Omapoka-shitanaka ookatha-tanaka, otaapaakiri wathatsi, tsitsi, mapi, paapane, maawoeni, paamatanaki eejatzi nijaa jaapae-chari ikiya-thapi-teetakirowa.

Etanta-nakari 4:26

Ikanta Set tzimaki itomi rirori iitakiri Enós. Riitaki etanakawo rapatziyaanakari Tajorentsi raakotapiinteero iwaero.

1 Reyes 18:23

Pamaeyini jaka apite ipireetari. Riyoshiitaki ñaawyaripaeni apaani ipireetari ikoyiri rirori, itopitheeri-kitakiri, rowanki-takiri itsimaki, eero itaantzi-maetari paamari. Ari nokimitakiri naaka itsipa ipireetari, nowanki-takiri tsitsiki, eero notaantzimaetari eejatzi paamari.

1 Reyes 18:25

Ikantanakiri Elías iñaawyaa-takaani Inkañaaweri: “Poyoyaantya eeroka irika ipireetari, petyaari powamayiri, tema osheki pikaateeyini. Pikowakoteri pitajorentsite pipaeriiro iwaero, eeromaeta pitaantari paamari.”

1 Reyes 18:39

Ikanta iñaakiro maawoeni Israel-paeni opaamatanaki, oeyotanaka, roojatzi kepatsiki, ikanteeyini: “¡Tajorentsi irikawé! ¡Riitaki Tajorentsi!”