San Mateo 9:9 - Manityanati Tupax

⁹ Sɨrotitɨ Jesús aukimanu auki asaratitɨ ɨmoti taman ñoñɨnx nɨrixhti Mateo, anankati tɨmonsoti kauta axɨna bakaɨburuma monixh ɨmo Roma. Nanti Jesús ɨmoti: –Ariaku isiuñɨ. Auki atɨraiti Mateo sɨrotitɨ isiuti.

Manitanati Tuparrü

⁹ Auqui arrti Jesús sürotitito auqui manu. Auqui arrti Jesús asaratitü ümoti taman ñoñünrrü nürirrti Mateo. Anancati tümonsoti auna cauta bacobürarati impuestorrü. Arrti Jesús nanti ümoti: —¡Ariacu isiuñü! Auqui arrti Mateo atüraiti y sürotitü isiuti Jesús.

San Mateo 9:9 交叉引用

San Marcos 3:18

Axti Andrés, Felipe, Bartolomé, Mateo, Tyomanxi axtityo Santiago, aɨtoxti Alfeo. Axtityo Tadeo, axti Simón auki Canaán,

Gálatas 1:16

ui nipukɨruxti ityusiankatati Aɨtoxti sukarɨñɨ, nauki suraboi axɨba omixhia nuraxti axɨpekuma axɨbama chɨtɨpɨ judíos. Tapɨ axɨñɨ chiyakapɨtɨ xhankiyo pɨnanaki mañoñɨnka.

Hechos 1:13

Naukiche iñataimia tato au axɨmanio poka, sɨromatɨ ape au axɨmanu pox kauta amonkoma. Tyonema axɨbama, axti Peru, axti Kuan, axti Santiago, axti Andrés, axti Felipe, axti Tyomanxi, axti Bartolomé, axti Mateo, axti Santiago aɨtoxti Alfeo, axti Simón nɨrixhti Celote axtityo Judas aɨtoxti Santiago.

San Lucas 6:15

axti Mateo, axti Tyomanxi, axti Santiago, aɨtoxti Alfeo. Axti Simón, naki nɨrixhti uimia celote,

San Mateo 10:3

Axti Felipe, ichepeti Bartolomé, axti Tyomanxi ichepeti Mateo, naki bakaɨburuti monixh ɨmo Roma. Axti Santiago, aɨtoxti Alfeo, axtityo Tadeo.

San Mateo 8:22

Aiñumuti Jesús nuraxti: –Ariaku isiuñɨ, asioma sane axɨbama tɨkoiñoma tari uixhimiantoe aiñanamakɨ kɨtu.

San Mateo 9:10

Au axɨmanu nanenes tɨkañe, anankati Jesús basoti au taman pox, iñataimia akamanu sɨrɨmanama axɨmanuma bakaɨburuma monixh ɨmo Roma, ichepe axɨbamaintyo makiataka chuxiampɨ nisɨborikixhimia, tɨmonsoma akamanu ichepeti Jesús nauki a'ama Ichepe axɨmanuma nesaxti apóstoles.

San Mateo 20:4

Nanti ɨmoma: ‘Amekosityo axaño au niyo akamanu ane apachɨkoboibo, xhapakaka nuxia aume.’ Axɨma sɨromatɨ.