San Mateo 12:35 - Manityanati Tupax

³⁵ Axti naki ñoñɨnx uxia nisɨborikixhti omixhia nuraxti tyopiki axɨna uxia au nausasɨxti nakax, tapɨti naki ñoñɨnx chiyaupɨ nomɨnantɨ uiti chomixhampɨ nuraxti tyopiki axɨna nomɨnantɨ ane au nausasɨxti.

Manitanati Tuparrü

³⁵ Arrti ñoñünrrü buenurrü, manitanati arrüba omirria, itopiqui arrüba omirria abe au nausasürrti. Tapü arrti naqui ñoñünrrü malorrü, manitanati arrüba chomirriampü, itopiqui arrüba chomirriampü abe au nausasürrti.

San Mateo 12:35 交叉引用

Colosenses 4:6

Taikiana uxia napanityaka axtɨ apaparikia sukarɨ namanaiña, apipiaityo apiñumu nuraxɨma.

Colosenses 3:16

Tari axɨna nuraxti Cristo sɨsio ñana aukɨtɨpɨ aɨbu nanaiña axɨba omixha. Axtɨ apanunekaka aumeampatoe, apisamuse aɨbu napapanaunku. Aɨbu nipukɨnunku nabausasɨ apasoni ɨmoti Tupax. Salmos, pikiataka sonikia aɨbu ñapanaunku nabausɨpɨ.

San Mateo 12:34

¡Niyutakɨbaɨtu noixhoboka! ¿Kausane auxianka amukanaño axɨba omixhia manityakax, axtɨ axañoantoe chuxiampɨ nausɨboriki? Axɨna ane au nuyausasɨ, tyone ñanityate nusaru.

Efesios 4:29

Tapɨ apanityaka axɨba chomixhampɨ, taikiana apanitya axɨba omixhia manityakax axɨba oboiche uxia nisɨboriki namanaiña nauki uxiaintyo ɨmoma axɨbama onsapetioma.

San Mateo 13:52

Auki nanti Jesús ɨmoma: –Axtɨ tamanti naki manunekana bakɨpukux uiti Moisés ununekanati ɨmo nɨriakax au napes, tyonenti takanati taman po'oso, omeanaki axɨba umaɨburu uiti ipiakati akaɨbuti axɨba iyebo takanaintyo axɨba nanankax.

San Mateo 7:17

Saneityo, axɨba omixhia soeka, omixhaintyo nobɨtax, tapɨ axɨna soes chuxiampɨ chomixhampɨ nɨtax.

San Lucas 6:45

Axti naki ñoñɨnx uxia nisɨborikixhti omixhia nuraxti oboi axɨba omixhia abe au nausasɨxti, tapɨti naki chuxiampɨ nisɨborikixhti manityanati axɨba chomixhampɨ ityopiki axɨna chuxiampɨ ane au nausasɨxti. Ui axɨna ane takutɨx au nausasɨxti manityana naruxti.