San Lucas 9:24 - Manityanati Tupax

²⁴ Tyopiki axti naki chixhanxtipɨ akonti, ensoro pɨnanakiti nisɨborikixhti. Tapɨti naki ensoro pɨnanakiti nisɨborikixhti ichopikiñɨ, iyebo uiti ñana.

Manitanati Tuparrü

²⁴ Arrti naqui chirranrrüpü aconti auqui niyaca, ensoro ñana nisüboriquirrti. Pero arrti naqui coiño auqui niyaca iyebo uiti ñana nisüboriquirrti au napese.

San Lucas 9:24 交叉引用

San Lucas 17:33

Tapɨti naki kuasɨrɨ ɨmoti nisɨborikixhti, ensoro pɨnanakiti ñana. Tapɨti naki ensoro pɨnanakiti, sɨsioti aɨbu.

San Juan 12:25

Axti naki kuasɨrɨ ɨmoti nisɨborikixhti, ensoro ñana pɨnanakiti. Tapɨti naki champɨ nɨmoche uiti nisɨborikixhti iku axɨna kɨx, sɨsioti aɨbu ɨmo nanaiña naskɨbeka.

Apocalipsis 2:10

Tapɨ aixhuka ñɨnana natakisɨrɨkɨ, tyopiki axti chobores aboma ñana axɨbama amanamampo uiti abaxɨpekuki, nauki namanaiña axaño ameno au makokotox. Autakisɨrɨka ñana ñome diez naneneka. Akokonau nantax chepe nakonko, ityobo axɨna sane toxio ñana sobi asɨborikibo.

Apocalipsis 12:11

Axɨbama usarukityaiki chɨtapenekopɨma uiti ui noto axɨmanu Nobixhax uityo axɨmanio omixhia manityakax urapoimia. Chɨbixhubupɨma ñɨnana nikonkoxɨma, ta chɨkuasɨrɨpɨ ɨmoma nisɨborikixhimia.

Hebreos 11:35

Abe paɨka axɨba omonkotɨ ɨmoti Tupax, sane naukiche niñupaɨmakax axɨbama tɨkoiñoma sɨborikoma tato. Aboma axɨbama onkomatɨ nuxia ɨmoti Tupax ta chixhanxɨpɨma añekama ui nikonkoxɨma tyopiki axtɨ sɨborikoma tato koñoxatai axɨmanu nisɨborikixhimia.

San Mateo 10:39

Axti naki kuasɨrɨ ɨmoti nisɨborikixhti, ensoro pɨnanakiti, tapɨti naki ensoro nisɨborikixhti auki niyaka, iyebo ñana uiti.