San Lucas 19:38 - Manityanati Tupax

³⁸ Namatɨ: –¡Yarusɨrɨxti naki yɨriabux naki kuatati au nɨrixhti Tupax! ¡Taikiana uxia au napes yarusɨrɨx nɨriakaxti Tupax!

Manitanati Tuparrü

³⁸ Namatü sane: —Tari anaunuti naqui yüriaburrü, naqui cuati au nürirrti Tuparrü. Tari pucünuñama bama aboma au napese. ¡Gloria ümoti Bae Tuparrü!

San Lucas 19:38 交叉引用

San Lucas 13:35

Amasatɨ, axɨna naupo onkono ñana. Sukanañɨntyo aume chanantopɨ amasarañɨ tato ichepe axtɨ amukanaño ñana: ‘¡Yarusɨrɨxti naki kuatɨ au nɨrixhti Yɨriabux!’ ”

San Mateo 21:9

Axɨbama kusɨrɨboma takanaintyo axɨbama kosotikimia, tosibikoma: –¡Hosana ɨmoti Aɨtoxti yɨriabux David! ¡Yarusɨrɨxti naki kuatati au nɨrixhti Yɨriabux! ¡Hosana au napetaikixh!

1 Pedro 1:12

Tapɨti Tupax urapoiti sukarɨma ta axɨmanu urapoimia chɨtɨpɨ ɨmomantoe, ta aume axaño. Tyone axɨmanu uxia manityakax manunekanama aume. Isamutema ui noñemaxti Espíritu Santo, naki bakɨpukux ɨmoti auki napes. ¡Tyone axɨna xhanxɨmampɨ tɨkañe asaraimia axɨbama ángeles!

1 Timoteo 1:17

¡Manauna masonina ɨmoti Yɨriabux naki champɨ nityakɨru nisɨborikixhti, naki chɨtusiutipɨ, naki kunauntañati Tupax! Amén.

Efesios 1:12

Axti Tupax xhanxti nauki axoñɨ axɨbama judíos ukusɨrɨka uikokoroti Cristo, nauki namanaiña machampienka tyopiki niyarusɨrɨkɨ nɨriakaxti.

San Mateo 25:34

Auki nanti yɨriabux ɨmoma axɨmanuma aboma au nepanaunkux: ‘Ausiapata axaño, axɨbama aukurusɨka uiti Iyaɨ. Apasusiu axɨna nɨriakax ananka koñokono aume aukiapae naukiche axti Tupax isamutenti axɨna kɨx.

Efesios 1:6

Isamutenti axɨna sane nauki taikiana machampienka ɨmoti Tupax tyopiki niyarusɨrɨkɨ nipukɨruxti, axɨna uiche aikunusɨankanati oñɨ uiti Aɨtoxti naki taruku nikuaxti ɨmoti.

Romanos 5:1

Axti Tupax, chauki tɨbesɨro uiti nosɨboriki, ui numakokonaunku, taikiana uxia osoi oemantoe aɨbuti Tupax, ityopikiti Yɨriabux Jesucristo.

Colosenses 1:20

tyopikiti Cristo xhimiakana uiti Tupax nomɨnantɨ ui namanaiña. Axɨna sane isamutenti tyopiki nikonkoxti Aɨtoxti kɨtɨpɨ kurusɨx.

Efesios 3:21

¡Yarusɨrɨxti Tupax axɨpekuma axɨbama ikokoromati Jesús, yarusɨrɨxtityo aɨbuti Jesucristo, ɨmo nanaiña naskɨbeka! Amén.

Efesios 3:10

Sane kaɨma, aɨbuma axɨbama ikokoromati Jesús, nanaiña nɨriakax axɨbamaintyo mayɨriabuka au napes tusiu kaɨma ɨmoma axɨna taruku ñapanaunkuxti Tupax, axɨna aruki nanaiñantai nityusiankakax.

San Mateo 2:2

auki ñankitioma: –¿Kauta nakaxti ɨriatu axɨbama judíos maniki aɨbo anati iku kɨx? Axɨsomɨ sumastai nesaxti nostoñes sobekatɨ supanau ɨmoti.

San Mateo 25:40

Axti yɨriabux iñumutati ñana nabura: ‘Ñemanauntu sukanañɨ aume nanaiña axɨna apisamute tɨkañe ɨmo axɨbama isarukityaiki takisɨrɨmantai, iñemo apisamute.’