San Lucas 18:9 - Manityanati Tupax

⁹ Urapoitityo Jesús axɨna kiatax machepekatax ɨmo axɨbama, au ñakionkoxɨma uxia nisɨborikixhimia, chuxiampɨ uimia ɨmo makiataka:

Manitanati Tuparrü

⁹ Urapoitito Jesús arrüna quiatarrü machepecatarrü ümo bama ñaquioncorrüma manrrü buenurrüma pünanaqui maquiataca:

San Lucas 18:9 交叉引用

San Lucas 16:15

Nanti Jesús ɨmoma: “Axaño apisamute takana axɨbama uxia nisɨborikixhimia sukarɨ makiataka, tapɨti Tupax isuputakaiti axɨna ane au nabausasɨ. Axɨna taruku nikuax ɨmo mañoñɨnka chuxiampɨ ɨmoti Tupax.

Romanos 10:3

Chɨtusiupɨ ɨmoma axtɨ uiti Tupax uxia nisɨboriki mañoñɨnka, tapɨ axɨma au ñakionkoxɨma besɨro ñapanaunkuxɨma. Sane naukiche chisamutempɨma axɨna yakɨpukuxti Tupax uiche besɨro nosɨboriki.

Romanos 14:10

Axɨkɨ, ¿kausane asikia kuata nipɨnatenti aruki? ¿Kausaneityo chɨkuasɨrɨtipɨ aemo? Namanaiña ñana axoñɨ uɨkatɨ kutakikiboti Tupax nauki asaraiti axɨna nomɨnantɨ osoi.

San Lucas 7:39

Axti maniki fariseo naki uiche aityasuruti Jesús, naukiche astaiti axɨna sane, kuatɨ au ñakionkoxti: “Axtɨ ñemanauntupɨ profetati naki ñoñɨnx, tusiupɨ ɨmoti isane naka axɨna asio aiñenoti: taman paɨx axɨna chuxiampɨ nisɨborikixh.”

Romanos 7:9

Tɨkañe isɨborikia chisuputakaipɨ bakɨpukux uiti Moisés. Naukiche iñatai axɨmanu bakɨpukux uiti Moisés. Axɨmanu nomɨnantɨ sɨboriko tato nuxia,

San Lucas 19:7

Ui axɨna sane astaimia, namanaiña ɨnantɨ ɨmoma axɨna isamutenti Jesús, namatɨ ta sɨrotitɨ sɨsioti au nipoxti naki chuxiampɨ nisɨborikixhti.

San Lucas 18:11

Axti maniki fariseo, auki natɨraikixhti, meaboti sane: ‘Axɨkɨ Tupax, ñachampienkaka aemo ityopiki axɨñɨ chɨtɨpɨ takana axɨbama makiataka, makusɨpɨka, chuxiampɨ nisɨborikixhimia chɨtamampɨ nikɨpostoxɨma, champɨityo axtɨ takanati maniki bakaɨburuti monixh.

Hechos 22:21

Tapɨti Yɨriabux nanti iñemo: ‘Akɨtanu, tyopiki axɨñɨ ikɨpukɨ iche esa axɨmanuma chɨtɨpɨ judíos.’ ”

San Juan 9:34

Auki namatɨ ɨmoti: –Axɨkɨ, aka iku kɨx yupu nomɨnantɨ akɨtɨpɨkɨ, ¿axianka anuneka suiñemo? Auki aipenenomati tyɨrɨpo auki axɨmanu sinagoga.

San Juan 9:28

Auki uratokioma ɨmoti, namatɨ: –Taki axɨkɨ aɨkatɨ isiuti maniki ñoñɨnx. Tapɨ axɨsomɨ somekatɨ isiuti Moisés.

San Juan 8:48

Auki namatɨ axɨmanuma judíos ɨmoti: –Axɨsomɨ suisoñoka axtɨ sukanasomɨ axɨkɨ po'osokɨ au samaria anatityo chobores akɨtɨpɨkɨ.

San Lucas 15:2

Tapɨ axɨmanuma fariseos ichepe axɨbama manunekana bakɨpukux uiti Moisés ɨnantɨ ɨmoma tyopiki axɨna sane yachɨkoiti, namatɨ: –Axti naki uxia uiti ɨmo axɨbama chuxiampɨ nisɨborikixhimia basoti aɨbuma.

San Lucas 10:29

Tapɨti maniki manunekana bakɨpukux uiti Moisés, ui nixhankaxti uxia axɨna ñankitioti, nanti ɨmoti Jesús: –¿Ñakutimo naki isɨborisapa?

Romanos 14:3

Ui axɨna sane, axti naki basoti nanaiñantai tapɨ tɨborikotiatai kuatati naki chɨbasopɨ nañes. Tapɨti naki chɨbasopɨ nañes, tapɨ ausɨratai nuraxti ɨmoti naki basoti aruki nanañantai, tyopiki sane toxio uiti Tupax ɨmoma.