San Lucas 12:7 - Manityanati Tupax

⁷ Saneityo axaño, nanaiña niki nautanu mupakɨmunkunu uiti taikiana taman. Sane naukiche tapɨ aupixhuka: axaño taruku naukuasɨrɨkɨ ñopɨnanaki sɨrɨmana nutaumanka.

Manitanati Tuparrü

⁷ Sane ito arraño, hasta niqui nautanu mupacümuncunu uiti Bae Tuparrü taiquiana taman. Sane nauquiche tapü aupirruca. Arraño manrrü aucuasürüca ümoti pünanaqui sürümana nutaumanca.

San Lucas 12:7 交叉引用

San Mateo 6:26

Amasasatɨ ñome nutaumanka axɨba bupasoro auki ape: chupankɨturupɨ champɨ niyupakiyox, champɨityo kauta apiñaɨbu niyupakiyox. Chabeataipɨ, axti Aubaɨ naki anati au napes, basaparati ñome. ¡Axaño taruku naukuasɨrɨkɨ ñopɨnanaki axɨmanio nutaumanka!

San Lucas 21:18

Axaño ñana champɨ ensoro aukɨtɨpɨki nitamampɨ niki nautanu.

Hechos 27:34

Apasamu nuxia auba pariu nauki ane apasɨubu, namanaiña axaño champɨ kausane aume, champɨityo ensoro ñana taman niki nityanuxti pɨnanakiti.

San Mateo 12:12

Sane ¡tamanti ñoñɨnx taruku nikuaxti pɨnanaki taman nobixhax! Sane naukiche, chebo oemo uisamune axɨna uxia au nanenes sabaru.