San Juan 20:29 - Manityanati Tupax

²⁹ Nanti Jesús ɨmoti: –Aikokota ityopiki asakañɨ. ¡Taikiana chiyaupɨ nipukɨnunkuxɨma axɨbama ikokotama axtɨ chastaipɨma!

Manitanati Tuparrü

²⁹ Nanti Jesús ümoti: —Caüma aicococañü, itopiqui tasacañü. Urria nacarrüma bama chasarapümañü, pero icocoromañü.

San Juan 20:29 交叉引用

1 Pedro 1:8

Axaño kuasɨrɨti aume Jesucristo, abo chamasakatipɨ. Apikokokati abo chamasakatipɨ, taruku naupukɨnunku, axɨna champɨ uiche aburaboi,

2 Corintios 5:7

Kaɨma champɨ nikiubu somɨ sumasarati, ta suisɨborikia tyopiki subaka aɨbu axɨna supakokonaunku.

Hebreos 11:1

Axtɨ oñonkatɨ nuxia ɨmoti Tupax, ta basutiu ñana axɨna ɨriotɨ uiti oemo. Ta uikokota axɨna chubastaipɨ.

Hebreos 11:27

Axti Moisés onkotitɨ ɨmoti Tupax, sane naukiche sɨrotitɨ auki Egipto, chɨbixhubutipɨ ñɨnana nityɨborixhti yɨriabux. Aruku nuxia ɨmoti, isamutenti nanaiña takana axtɨ asaratitɨ ɨmoti Tupax naki chɨtusiutipɨ.

San Lucas 1:45

¡Taikiana uxia aemo ityopiki aikokota ta omixhankio ñana nanaiña axɨba nantɨ Nɨriabux aemo!

San Juan 4:48

Aiñumuti Jesús nuraxti: –Axaño chapikokotapɨ, axtɨ chamastaipɨ axɨba champɨ tamastai.

San Juan 20:8

Auki axti maniki kiatax anankati isiuti maniki kusɨrɨboti aiñanainti sɨrotitɨpoityo au nikɨxti. Astaitityo axɨna sane, auki ikokotati.

Hebreos 11:39

Axti Tupax taruku nipukɨnunkuxti aɨbuma, tyopiki onkomatɨ ɨmoti. Ta axɨma champɨti yasutiuti axɨmanu ensɨmunu uiti Tupax.

San Mateo 13:16

“Taikiana chiyaupɨ naupukɨnunku axaño, ityopiki nausɨto umasaratɨ namumasuityo omonaunx.

San Juan 20:28

Aiñumuti Tyomanxi: –¡Axɨkɨ Tupaxɨkɨ axɨkɨtyo Yɨriabuxɨkɨ iñemo!