San Juan 19:26 - Manityanati Tupax

²⁶ Naukiche asaratitɨ Jesús ɨmo nipiakɨtoti, anankati ichepe maniki nesaxti apóstol axti naki taruku nikuasɨrɨkɨxti ɨmoti, nanti ɨmo nipiakɨtoti: –Nipiakɨ, akamanu anati aɨ.

Manitanati Tuparrü

²⁶ Arrti Jesús asaratitü ümo nipiacütoti y ümotito naqui ñanunecasarrti, naqui cuasürütiapae ümoti. Anancati atüraiti esa nipiacütoti. Auqui nanti Jesús ümo: —Arrti naqui anati aesacü, tonenti caüma ahü.

San Juan 19:26 交叉引用

San Juan 21:24

Axti naki tyonenti maniki nesaxti apóstol Jesús naki urapoiti nanaiña axɨba sane. Uiti aikonomoti, tusiu oemo ta ñemanauntu axɨna nuraxti.

San Juan 20:2

Auki sɨrotɨ tato yarukux esati Simón Peru axtityo maniki kiatax anankati isiuti axti naki taruku nikuasɨrɨkɨxti ɨmoti, nantɨ ɨmoma: –¡Sɨrotɨ oboi nikɨtɨpɨ Nɨriabux auki nikɨx, chɨtusiupɨ suiñemo kauta apiña!

San Juan 13:23

Tamanti axɨpekukimia, axti naki taruku nikuasɨrɨkɨxti ɨmoti Jesús, anankati tɨmonsoti petakuti, naukiche amonkoma basoma,

San Juan 2:4

Aiñumuti Jesús nurax: –Nipiakɨ, ¿kausane ukanɨ iñemo axɨna sane? Chiñataikipɨ niyesa horax.

San Juan 21:7

Auki axti maniki kuasɨrɨtiapae ɨmoti Jesús nanti ɨmoti Peru: –¡Unka tyonenti Yɨriabux! Naukiche onkoiti Peru axɨna sane ta tyonenti Yɨriabux, aiñanti kɨtɨpɨti naibixhti ityopiki anankati kɨsuasati, auki atobɨti au tux.

San Juan 21:20

Naukiche asaratitɨ tato Peru chakuti, asaratitɨ ɨmoti maniki nesaxti apóstol maniki taruku nikuasɨrɨkɨxti ɨmoti Jesús, tyonenti naki anankati petakuti Jesús naukiche tyakɨrux niyakaxɨma ɨmo axɨmanu Paxkua, tyonentityo ñankitioti pɨnanakiti: “Yɨriabux, ¿ñakuti naki uiche aityoximianɨ?”