San Juan 19:13 - Manityanati Tupax

¹³ Naukiche onkoiti Pilato axɨna sane, bakɨpuruti nauki aikiaɨburumati Jesús tyɨrɨpo. Auki atɨmoti uiti kauta atɨmoma axɨbama astaimia axɨna uxia ichepe axɨna chuxiampɨ, auki hebreo nɨrixh Gabatá, auki besɨro nɨrixh mokiamuturu kanka.

Manitanati Tuparrü

¹³ Numo oncoiti Pilato arrüna nurarrüma, bacüpuruti na aiquianamati Jesús türüpo. Auqui atümoti Pilato manu siyarrü nesa bacurrtacarrü au na cauta nürirri ito uimia “Canca”, auqui hebreo namatü “Gabata”.

San Juan 19:13 交叉引用

San Mateo 27:19

Naukiche anankatiki Pilato tɨmonsoti kauta nityɨmo mayɨriabuka, nikɨpostoti bakɨpuru nauki namatɨ ɨmoti: “Tapɨ asikia kuata axɨmanu noñɨnx uxia nisɨborikixh, tyopiki nɨtoba iposikia chuxiampatai auki nakax.”

Hechos 4:19

Tapɨti Peru ichepeti Kuan aiñumuma nuraxɨma: –Amasasai aboiyapatoe axtɨ uxia supakokonau aume, pɨnanaki supakokonau ɨmoti Tupax.

San Juan 19:8

Naukiche onkoiti Pilato axɨna nuraxɨma sane, taruku nixhukuxti.

San Lucas 12:5

Suraboira ausukarɨ ñakuti ñɨnanache aupixhu: ñɨnanati naki, ikiaɨbutati nosɨboriki, anentyo nɨriakaxti aipenenoti oñɨ au infierno. Ñɨnanati aupixhu.

San Juan 5:2

Au Jerusalén, saimia axɨmanu Tyurux ñome Nobixhaka, ane axɨmanu nausɨ tux auki hebreo nɨrixh Betzatá. Abe akamanu cinco nompakɨoka,

San Juan 19:17

Sɨrotitɨ Jesús tyɨrɨpo aɨbu nikurusɨxti ompakɨti, niyɨkɨxti kauta axɨmanu nɨrixh “Nipiai Tanux” (auki hebreo nɨrixh Golgota).

San Juan 19:20

Sɨrɨmanama axɨmanuma judíos astaimia axɨmanu nikorox, tyopiki axɨmanu kauta aityakubaxiromati Jesús saimiantai ñome axɨmanio poka, axɨmanu nikorox korobo auki trex manityakaka, hebreo, latín, griego.