San Juan 15:11 - Manityanati Tupax

¹¹ “Sukanañɨ aume axɨna sane, nauki aupukɨnunka ichepeñɨ. Sane ñana champɨ nityakɨru naupukɨnunku.

Manitanati Tuparrü

¹¹ ‛Rranitaca aume sane, nauqui aupucünu ichepeñü. Sane nauqui champü nitacüru naupucünuncu.

San Juan 15:11 交叉引用

Romanos 15:13

Axti Tupax naki uiche uxia numakionko, tari yachebati aupukɨnunkubu, taikiana axiaintyo uiti aume axaño axɨbama apikokokati, tari yachebati aukusɨubu ui noñemaxti Espíritu Santo.

San Juan 17:13

“Kaɨma yɨkatɨ tato atupekukɨ. Sukanañɨ axɨna sane ityopiki yakaiki auna iku axɨna kɨx, nauki taruku nipukɨnunkuxɨma takana axɨna nipukɨnunku.

San Juan 16:24

Champɨ tapankikia pɨnanakiti au nisɨri. Axtɨ apankikia toxio aume uiti, nauki taruku naupukɨnunku.

1 Juan 1:4

Supakonomoka axɨba sane nauki axɨna suipukɨnunku tari ñemanauntu.

1 Pedro 1:8

Axaño kuasɨrɨti aume Jesucristo, abo chamasakatipɨ. Apikokokati abo chamasakatipɨ, taruku naupukɨnunku, axɨna champɨ uiche aburaboi,

2 Juan 1:12

Abiki sɨrɨmana surapoboibo ausukarɨ, ta chixhankapɨ sukanañɨ aume ikuki nikorox. Ixhanka yɨrotɨ tanu yasaraño nauki xhanitya aupu. Sane uixh taruku nipukɨnunku.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

2 Corintios 1:24

Chɨsoboipɨ axɨna napakokonaunku. Axɨna suixhantɨmo aupu ta nauki ane aupukɨnunkubu, tyopiki tɨtusiu nuxia aume axɨna apikokota.

1 Tesalonicenses 5:16

Taikiana chiyaupɨ naupukɨnunku.

San Lucas 15:32

Koñotɨ basapa upukɨnu, tyopiki axti aruki, tɨkoiñoti, sɨborikoti tato. Ensoroti oñopɨnanaki tabɨkoti tato osoi.’ ”

San Lucas 15:9

Axtɨ tɨtabɨko uixh, ityasuriu niposapax, nantɨ ñome: ‘Aupukɨnu ichepeñɨ, ityopiki tɨtabɨko sobi axɨna monixh ensoro xhopɨnanakiñɨ.’

Filipenses 1:25

Tusiu nuxia iñemo nanaiña axɨna sane, ta yasikiaiki auchepe nauki yasaratɨ autaku, sane taruku naupɨkɨnunku aɨbu napakokonaunku.

Efesios 5:18

Tapɨ aborisɨbaka, tyopiki uixh chɨtusiupɨ aume isane axɨna apisamute. Chebo aboi tyone, aɨroti Espíritu Santo aukɨtɨpɨ tari uiti aipesɨnakati nausɨboriki.

San Juan 3:29

Au taman tɨbɨbɨx, axɨna kupikixh aɨbo apo ane petakuti kiana. Tapɨti naki ityurapataxti ikiana anati akamanu onsapetioti nuraxti, taruku nipukɨnunkuxti ui nuraxti. Saneityo axɨñɨ kaɨma taruku nipukɨnunku tyopiki auna nakaxti Mesías.

San Lucas 15:5

Axtɨ tabɨko uiti, pukɨnuñati kuata iñatati ompakɨti,

San Lucas 15:23

Apikia tauna axɨna baɨro nuxia naɨmosimia apityabai. ¡Masamuna yarusɨrɨx pukɨnunkux!