San Juan 11:27 - Manityanati Tupax

²⁷ Tyone nantɨ ɨmoti: –Ikokota Nɨriabux, axɨkɨ tyone Mesías, Naɨto Nixhupu Tupax axɨna ensɨmunu ayetɨ iku axɨna kɨx.

Manitanati Tuparrü

²⁷ —Icocota Señor —nantü—, ta arrücü Cristocü, arrüna ensümunu ayetü icu na cürrü, Naüto Nupu Tuparrü.

San Juan 11:27 交叉引用

San Mateo 16:16

Aiñumuti Simón Peru nuraxti: –Axɨkɨ tyonenti Mesías, Aɨtoxti Tupax naki sɨborikoti.

San Juan 6:69

Axɨsomɨ tɨsopikokota nura, tɨtusiu suiñemo ta axɨkɨ Aɨtoxti Tupax.

San Juan 6:14

Namanaiña, naukiche astaimia axɨna champɨ tastaimia uxiante uiti Jesús, namatɨ: –Ñemanauntu tyonenti profeta naki kuabotɨ iku axɨna kɨx.

1 Juan 5:1

Namanaiña axɨbama ikokotama axti Jesús tyonenti Mesías, tyonenti aɨtoxti Tupax. Axti naki kuasɨrɨti ɨmoti naki aboma aɨtoxti, kuasɨrɨmaintyo ɨmoti axɨbama aɨtoxti.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.

Hechos 8:36

Isiu axɨmanu kutubiux iñataimia kauta ane tux, nanti maniki yɨriabux ɨmoti. –Auna ane tux. ¿Kausane chaunimiakapɨ iñemo?

San Juan 4:42

Auki namatɨ ɨmo axɨmanu paɨx: –Kaɨmampae sopikokota, chɨtɨpɨ ui axɨna urapoi suisukarɨ, ta ui axɨna somonkoi axɨsomɨ nuraxtiatoe tusiu suiñemo ñemanauntu tyonenti naki uiche aityaesɨmunuti axɨna kɨx eanaki nomɨnantɨ.

San Juan 1:49

Nanti Natanael ɨmoti: –Maestro, ¡axɨkɨ Aɨtoxti Tupax, axɨkɨ yɨriabuxɨkɨ ɨmo Israel!

San Lucas 2:11

One anati iku kɨx aume au tube nikɨxti David naki uiche autaesɨbuka ñana omeanaki nomɨnantɨ, tyonenti Mesías, naki Yɨriabux.

San Mateo 11:3

nauki ankirioma pɨnanakiti axtɨ ñemanauntu tyonenti naki kuabotɨ, o kuatatiki kiatax.

San Mateo 16:20

Auki nanti Jesús ɨmo axɨmanuma nesaxti apóstoles tapɨ urapoimia sukarɨ makiataka ta tyonenti naki Mesías.

Hechos 8:37

Nanti Felipe ɨmoti: –Axtɨ ñemanauntu aikokota, champɨ kausane. Aiñumuti sane: –Axɨñɨ ikokota tyonenti Jesucristo Aɨtoxti Tupax.