Gálatas 6:4 - Manityanati Tupax

⁴ Taikianati taman tari uitiatoe asaraiti nisɨborikixhti, axtɨ onkisioti taruku nipukɨnunkuxti, tari pukɨnuñati aɨbutiatoe tapɨ pukɨnuñati isiuki makiataka.

Manitanati Tuparrü

⁴ Cadati taman abarrüpecu, tari arrtaiti nurria arrüna yachücoboiboti, arrtü urria o churriampü. Arrtü urria, tari pucünuñati nurria. Pero tapü ichepecatati yachücoiti quiatarrü.

Gálatas 6:4 交叉引用

2 Corintios 13:5

Amasasai nausɨborikiatoe, nauki atusi axtɨ apikokota nuxia axɨna manunekatax aume. Apiña makokotox aumeampatoe. ¿Chɨtusiupɨ aume ta anati Jesucristo aukɨtɨpɨ? ¡Sane atusi aume axtɨ chuxiampɨ nausɨboriki au nastaxti Tupax!

1 Corintios 11:28

Ui axɨna sane, amasasai axtɨ ñemanauntu uxia nausɨboriki axtɨ aubaka axɨmanu pan axtɨ auchakaityo auki axɨmanu taropes.

2 Corintios 1:12

Ane axɨna tyopikiche taruku suipukɨnunku, tyopiki axɨna suiyausɨpɨ uixh uraboi ta besɨro suisɨboriki iku axɨna kɨx, takanaintyo aupu. Tyopiki axɨsomɨ chisomekapɨtɨ isiuki ñapanaunkuxɨma mañoñɨnka, ta somonkatɨ ɨmo noñemaxti Tupax.

San Lucas 18:11

Axti maniki fariseo, auki natɨraikixhti, meaboti sane: ‘Axɨkɨ Tupax, ñachampienkaka aemo ityopiki axɨñɨ chɨtɨpɨ takana axɨbama makiataka, makusɨpɨka, chuxiampɨ nisɨborikixhimia chɨtamampɨ nikɨpostoxɨma, champɨityo axtɨ takanati maniki bakaɨburuti monixh.

Gálatas 6:13

Tyopiki axɨmanuma circuncidaboma chisamutempɨma nanaiña axɨna nantɨ axɨmanu bakɨpukux. Tapɨ axɨma kaɨma xhanxɨma nauki axaño circuncidabo año, nauki isiuki namatɨ ta auki nakaxɨma ane aukɨtɨpɨ axɨmanu uiche atusi ta abaka isiuma.

1 Corintios 3:8

Axɨbama mankɨturuma axɨbamaintyo basupiuruma tux chepatai nakaxɨma, taikianati taman ñana axti Tupax ane toxiobo ɨmoti ityobo axɨna yachɨkoiti.

1 Corintios 3:14

Axtɨ axɨna uisamute chɨmamesopɨ ñana, ane ñana toxiobo aemo ityobo.

Filipenses 1:26

Sane axtɨ yaka tatityo auchepe, sobi iñata uɨbo napakokonaunku sane taruku naupukɨnunku aɨbuti Cristo Jesús.