Efesios 2:1 - Manityanati Tupax

¹ Tɨkañe axaño taukonka yotopiki axɨmanio chomixhampɨ apisamute oboityo axɨmanio nomɨnantɨ aboi

Manitanati Tuparrü

¹ Tücañe amoncaño tacanarrtü auconca au narrtarrti Tuparrü, itopiqui chapacoconauncapü ümoti, y ane nomünantü aboi.

Efesios 2:1 交叉引用

Colosenses 2:13

Axaño tɨkañe amonkaño aukonka, tyopiki axaño taruku nomɨnantɨ aboi sane naukiche chɨtɨpɨ aɨtoxti Tupax año. Tapɨ kaɨma toxio uiti Tupax ausɨborikibo chepeti Cristo, xhimiakanaintyo uiti nanaiña nomɨnantɨ aboi.

Romanos 8:2

tyopiki axɨmanu nɨriakax uiti Espíritu Santo uixh isɨborikia aɨbuti Cristo Jesús, uiti ichaesɨbuka pɨnanaki nɨriaka axɨmanu nomɨnantɨ uiche isonka.

Efesios 4:18

champɨ isane ñapanaunkuxɨma, chiyebpopɨ uimia axɨmanu sɨborikixh kuatɨ esakiti Tupax, tyopiki champɨ nipiakaxɨma ui nityai nausasɨxɨma.

San Juan 5:21

Sane takanati Iyaɨ sɨborikoma tato uiti axɨbama tɨkoiñoma, bacheboti isɨborikiboma, axtityo Aɨtoxti toxio uiti isɨborikiboma axɨbama uxia au nastaxti.

1 Juan 3:14

Axoñɨ auki nokonko uɨkatɨ ɨmo nosɨboriki, tusiu nuxia oemo tyopiki kuasɨrɨma oemo axɨbama usarukityaiki. Axti naki chɨmakumananauntipɨ ta takana axtɨ tɨkoiñoti.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

Efesios 5:14

tyopiki nanaiña axɨna ityusiankanɨ nuxia, ane aɨbu basarux. Sane naukiche nantɨ sane: “Astopɨ, axɨkɨ naki anuka. Atɨsai axɨpekuki makoiñoka, uiti Cristo anentax aemo.”

1 Timoteo 5:6

Tapɨ axɨna biurax ityoximianɨ ɨmo nipukɨnunkux chauki tɨkoiño auki nisɨborikixh.

San Juan 5:25

Sukanañɨ aume tɨsaimia mapakɨmunkutux, tityone kaɨma, auche axɨbama tɨkoiñoma onkoimia nuraxti Aɨtoxti Tupax. Axɨbama onkoimia, chɨkoiñopɨma.

1 Corintios 15:45

Sane nantɨ iku Nikorox: “Axti ñoñɨnx naki kusɨrɨboti tɨkañe, axti Adán, ane nausɨpɨxti axɨna sɨboriko.”

San Juan 10:10

Axti kusɨpɨx kuatatiatai akusɨpɨti, atabaiti nauki aiñamesokoti nanaiña. Tapɨ axɨñɨ isekatɨ nauki ane kɨtɨpɨx ausɨborikibo sobi.

Apocalipsis 3:1

“Akonomo ɨmoti maniki ángel auki Sardes kauta aboma axɨbama ikokoromañɨ: ‘Axti maniki aboma uiti siete espíritu auki napes, axɨmaniointyo siete nostoñeka, ukanɨ sane: tusiu iñemo nanaiña axɨba aisamukio, tusiuityo iñemo ta chauki takonka axɨna asɨborikiaiki.

San Lucas 15:32

Koñotɨ basapa upukɨnu, tyopiki axti aruki, tɨkoiñoti, sɨborikoti tato. Ensoroti oñopɨnanaki tabɨkoti tato osoi.’ ”

San Lucas 15:24

Tyopiki axti naki isaɨ anankati koiñoti axɨna kaɨma sɨborikoti tato. Ensoroti oñopɨnanaki tapɨ kaɨma tabɨkoti tato osoi.’ Auki iñatama nipukɨnunkuxɨma.

San Mateo 8:22

Aiñumuti Jesús nuraxti: –Ariaku isiuñɨ, asioma sane axɨbama tɨkoiñoma tari uixhimiantoe aiñanamakɨ kɨtu.

2 Corintios 5:14

Axɨna nukuasɨrɨkɨ ɨmoti Cristo sɨsio suisɨtɨpɨ naukiche tɨtusiu suiñemo koiñoti taman tyaku namanaiña, sane naukiche namanaiña koiñoma.