Apocalipsis 4:11 - Manityanati Tupax

¹¹ “Axɨkɨ Yɨriabuxɨkɨ Tupaxɨkɨtyo suiñemo, koñotɨ aemo asuriu nanentakax, manaunkux chepe nɨriakax, tyopiki nasamuku nanaiña axɨba abe. Ui noñema omixhante uixhtyo abe.”

Manitanati Tuparrü

¹¹ Arrücü Tuparrücü y Señorcü suiñemo, chiyaupü napanauncu, champü tacanache nanentacarrü obi. Sopiñanauncü, chiyaupü nacusüu, itopiqui omirriante obi isiu narrianca nanaiña arrüba abe.

Apocalipsis 4:11 交叉引用

Apocalipsis 5:12

namatɨ aɨbu nityosibixhimia: “¡Axɨmanu Nobixhax koiño ɨmo makumanatax koñotɨ ɨmo asuriu nɨriakax axɨnaintyo enaxibo, ñapanaunkubu takanaintyo axɨna ikusɨubu, manaunkux nanentakax axɨnaintyo masonikixh!”

Apocalipsis 10:6

auki nanti au nɨrixhti Tupax au nɨrixhti naki champɨ nityakɨru nisɨborikixhti, axti naki nisamukuche napes, axɨna kɨx, narubaityu tux nanaiñaintyo axɨba abe ubau. Nanti: “Chauki tɨnityakɨrux,

Apocalipsis 14:7

Nanti aɨbu nityosibixhti: “Apanau ɨmoti Tupax yarusɨrɨx nɨrixhti aboi, tyopiki tiñatai axɨmanu nanenes auche asaraiti nisɨboriki namanaiña. Apanau ɨmoti naki uiche aisamunenti kɨx chepe napes, narubaityu tux chepe nantaityuka.”

Apocalipsis 5:9

Masoniomaintyo axɨna sonixh aɨbo: “Axɨkɨ koñotɨ aemo asarai axɨmanu kichonimiakax kiñoeno aikiompɨnaintyo axɨmanio nityomoentox, tyopiki axɨkɨ akonka ɨmo makumanatax. Ui noto nakɨtɨpɨ kuamatɨ tato obi esati Tupax namanaiña mañoñɨnka ikuki axɨna kɨx.

Hebreos 1:10

Nantɨtyo sane iku Nikorox: “Axɨkɨ Yɨriabux, auki ñemonkox tɨkañe aisamute axɨna kɨx, aukiapae tɨkañe obi aisamune axɨna napes.

Romanos 11:36

Tyopiki nisamukuxti, ɨmoti nanaiña axɨba abe iku axɨna kɨx. ¡Taikiana yarusɨrɨxti Tupax au napes! Amén.

Efesios 3:9

Ikɨpurutiñintyo iñununekanaño namanaiña kausane niyɨkɨ nuxiankax axɨmanu nixhantɨmoti aisamunenti Tupax, naki uiche aisamunenti nanaiña, anekana uiti aukiapae tɨkañe.

Hechos 14:15

–¿Kausane apisamune axɨna sane? Axɨsomɨ mañoñɨnkaityo somɨ takana axaño. Sobekatɨ nauki suburaboi ausukarɨ axɨna omixha manityakax, nauki apiñoko axɨna apisamute champɨ niyaserebikixh, nauki abetɨ tato esati Tupax naki sɨborikoti, naki uiche uxiane kɨx, napes, narubaityu tux ichepe nanaiña axɨna ane iku.

Hechos 17:24

“Axti Tupax naki uiche aisamunenti axɨna kɨx nanaiñaintyo axɨba abe iku, tyonenti yɨriabuxti ɨmo nanaiñaintyo kɨx. Chɨpo'osotipɨ ñokiana poka nisamuku mañoñɨnka,

Apocalipsis 5:2

Auki yasakatityo ɨmoti taman ángel taruku nɨriakaxti ñankitioti ui rabotɨ nuxia nityosibixhti: “¿Ñakuti naki koñotɨ ɨmoti aiyaɨbuti axɨmanu kichonimiakax kiñoeno aikiompɨnatityo axɨmanio nityomoentox?”

Hebreos 1:2

Tapɨ kaɨma au axɨba tyakɨrux naskɨbeka, axti Aɨtoxti tyonenti naki manityanati oemo au nɨrixhti Yaɨtoti, naki tyopikiche aisamunenti axɨna kɨx naki ɨmoche ñana aityoximiati nanaiña.

Apocalipsis 1:6

uiti Cristo yɨriabux oñɨ, sacerdotes oñɨ uiti nauki baserebi ɨmoti Tupax naki Yaɨtoti. ¡Tari axɨna yarusɨrɨx nanentakax takanaintyo axɨna yarusɨrɨx nɨriakax taikiana ɨmoti ñome nanaiña naskɨbeka! Amén.

Apocalipsis 19:1

Yopɨrɨkɨ axɨba sane, ñonkoi nityosibixhimia axɨbama sɨrɨmanama au napes namatɨ sane: “¡Aleluya! Axɨna maximikatax, nanentakax axɨnaintyo nɨriakax tyoneio nanaiña ɨmoti Tupax.