Apocalipsis 3:8 - Manityanati Tupax

⁸ Tusiu iñemo nanaiña axɨna aisamute. Asasatɨ, sɨro sobi akɨmenukɨ taman tyurux aurɨbo axɨna champɨti kiatax uiche aiñamati, ui axɨna charukupɨ nuxia aemo, aikokota nisura champɨityo axtɨ ukanɨ ta chasuputakapɨñɨ.

Manitanati Tuparrü

⁸ Tusio iñemo arrüna napisamute. Champürrtü tarucapae naucusüu, pero ta apicocota nisura, y chaucüsocapü aübu nisüri. Sane nauquiche iyaübuta taman tururrü aume, y champüti naqui puerurrü aiñamati amopünanaqui.

Apocalipsis 3:8 交叉引用

1 Corintios 16:9

tyopiki ubaurɨbo iñemo tyuruka nauki xhanuneka, tusiu iñemo aboma sɨrɨmanama axɨbama chuxiampɨ ɨmoma.

Colosenses 4:3

Apankityo suichaku, pɨnanakiti Tupax nauki axɨsomɨ taikiana uxia supanunekaka axɨba omixha manityakax kɨtɨpɨti Cristo sane suburaboi axɨna nixhantɨmoti Cristo aisamunenti tyakuapae yaka auna amanañɨmpo.

Apocalipsis 3:7

“Akonomointyo ɨmoti maniki ángel auki Filadelfia kauta aboma axɨbama ikokoromañɨ: ‘Tyone axɨna nuraxti naki ñemanauntu champɨ nomɨnantɨ uiti, axti naki ane uiti nɨriakaxti David, axtɨ ane aurɨbo sobi tyurux champɨti kiatax iñamatati, axtɨ amana sobi tyurux champɨti kiatax iyaɨbutati:

2 Corintios 2:12

Naukiche iñatai au Troas, nauki suraboi axɨba omixhia manityakax kɨtɨpɨti Cristo, baurɨbo sɨmenuñɨ tyuruka nauki xhanuneka nuraxti Yɨriabux Jesús.

Hechos 14:27

Naukiche iñataimia au Antioquía, oberabarama uimia axɨbama ikokoromati Jesús, urapoimia sukarɨma nanaiña axɨna isamutenti Tupax aɨbuma, kausaneityo axti Yɨriabux iyaɨbutati tyurux ɨmo axɨbama chɨtɨpɨ judíos.

Filipenses 4:13

Ui noñemaxti Cristo aruku nuxia iñemo nauki yɨro kutakikibo nanaiñantai.

San Lucas 12:9

Tapɨti naki nanti chisuputaratipɨñɨ sukarɨ mañoñɨnka, champɨtityo manityanabo tyakuti sukarɨ axɨbama ángeles auki napes.

Apocalipsis 2:13

Tusiu iñemo axɨkɨ poosokɨ kauta ane yarusɨrɨx nɨriakaxti chobores. Tapɨ axɨkɨ chaiñokotapɨ nisuasɨrɨkɨ aemo. Chaiñokotapityo nakokonaunku iñemo, chɨkiataxɨpɨ nakionko naukiche ityabairomati Antípas au axɨmanio poka kauta po'osoti chobores, naki ityusiankatati ta onkotitɨ nantax iñemo.

San Juan 17:6

“Axɨbama toxioma obi iñemo tɨsurapoi sukarɨma kausane nɨriaka. Obi tɨkañe samekanama, auki toxioma obi iñemo, sobi ikokotama axɨna nakɨpuku ɨmoma.

Apocalipsis 3:15

Tusiu iñemo nanaiña axɨna aisamute. Tusiuityo iñemo chaikokokapɨñɨ nuxia, ta aikokokañɨ simiantai. ¡Uxiampɨ axtɨ aikokokañɨ nuxia, o ui taman tapɨ aikokokañɨ!

Apocalipsis 22:7

“¡Tɨsaimia ñana isetɨ tato! ¡Taruku ñana nipukɨnunkuxti naki ikokotati axɨna uxia manityakax ui noñemaxti Tupax axɨna ane korobo iku axɨna kichonimiakax!”

Apocalipsis 3:10

Aikokota nixhakɨpuku, sane naukiche yasakatɨ atakukɨ axtɨ kuatɨ ñana axɨmanu makokotox ɨmo namanaiña axɨbama po'osoma iku axɨna kɨx.

1 Timoteo 5:8

Tyopiki axti naki chasaratitɨpɨ tyakuma axɨbama yarukityoboti takanaintyo axɨbama aɨtoxti chisamutentipɨ takana axɨbama ikokoromati Jesús, isamutenti takanati naki champɨ tisuputarati Tupax.

2 Timoteo 4:7

Iyebo sobi axɨna taruku nixhanka, iñatai tyakɨru niyachɨkoi, aɨbu nixhakokonaunku.

Apocalipsis 3:1

“Akonomo ɨmoti maniki ángel auki Sardes kauta aboma axɨbama ikokoromañɨ: ‘Axti maniki aboma uiti siete espíritu auki napes, axɨmaniointyo siete nostoñeka, ukanɨ sane: tusiu iñemo nanaiña axɨba aisamukio, tusiuityo iñemo ta chauki takonka axɨna asɨborikiaiki.

Apocalipsis 2:2

Tusiu iñemo nanaiña axɨna aisamute. Isuputakai natakisɨrɨkɨ kuata nachɨkoi axɨnaintyo aruku nuxia aemo, tusiu iñemo atakisɨrɨka uimia axɨbama chuxiampɨ nisɨborikixhimia. Tusiuityo iñemo ta aiñata makokotox ɨmoma axɨbama mapañama anunekama au nisɨri, tabɨko obi ñapantuxɨma.

SAN JUDAS 1:4

Tyopiki auki ñatachemakakaxɨma aume aboma abaxɨpeku axɨbama tɨtusiu ui Nikorox aukiapae tɨkañe ta ane ñana takisɨrɨkɨx ɨmoma. Au ñakionkoxɨma, tyopiki axti Tupax taruku nukuasɨrɨkɨ ɨmoti, champɨ kausane uiti oemo axtɨ chuxiampɨ nosɨboriki, champɨityo axtɨ ikokoromati naki kunauntañati Yɨriabux oemo, axti Jesucristo.

San Juan 15:20

Apakionsaño axɨna surapoi ausukarɨ: ‘Champɨti kumanakax taruku nɨriakaxti pɨnanakiti maniki ɨmoche aserebiti.’ Axtɨ anankañɨ xhatanekaka ñɨnanama, axañointyo apatanekaka ñana ñɨnanama. Axtɨ onkoimia nisura, onkoimiaintyo ñana nabura.