Apocalipsis 19:12 - Manityanati Tupax

¹² Nisɨtoxti bukuara takana pes, abe ityati sɨrɨmana nityarusɨxti, ane korobo nɨrixhti kɨtɨpɨti axtiatai tusiu ɨmoti.

Manitanati Tuparrü

¹² Nirrtorrti tacana nonco pese. Abe itati sürümana tarusüca. Ane corobo nürirrti cütüpüti, arrüna arrtiatai tusio ümoti.

Apocalipsis 19:12 交叉引用

Apocalipsis 19:16

Iku nikɨbuxixhti kɨtɨpɨtyo nityapaxti ane korobo axɨna sane: “Yɨriabux ɨmo mayɨriabuka.”

San Lucas 10:22

“Axti Iyaɨ ityoximiatati nanaiña iñemo. Champɨti naki tusiu ɨmoti ñakuti naki Aɨtoxti, kunauntañati Iyaɨ. Champɨtityo naki tusiu ɨmoti ñakuti naki Yaɨtoti, kunauntañati Aɨtoxti ichepe axɨbama toxinaunku ɨmoma uiti naki Aɨtoxti asuputaramati.”

Apocalipsis 1:14

Purusubi nityanuxti takana nabox, takanaintyo mutusaɨx, nisɨtoxti takana nonko pes.

San Mateo 11:27

“Toxio iñemo uiti Iyaɨ nanaiña. Champɨti naki isuputarati nuxia naki Aɨtoxti, axtiatai Yaɨtoti. Champɨtityo isuputarati nuxia Yaɨtoti, axtiatai Aɨtoxti axɨbamaintyo axti naki Aɨtoxti xhanxti nauki asuputaramati.

San Mateo 28:18

Sɨrotitɨ Jesús esama, nanti ɨmoma: –Axti Tupax ane nisɨriaka uiti au napes ikunaintyo axɨna kɨx.

Apocalipsis 3:12

Axɨbama chɨtapenekopɨma oboi makokotoka taruku ñana nɨriakaxɨma sobi au nipoxti Tupax iñemo, akamanu ñana sɨsioma. Kɨtɨpɨma ñana korobo sobi nɨrixhti Tupax iñemo nɨrixhtyo axɨmanu nipoxti, axɨmanu iyebo Jerusalén kuatɨ auki napes, ikonomotaityo kɨtɨpɨma axɨmanu iyebo nisɨri.

Hebreos 2:9

Basakati Jesús, naki simia nɨriakaxti uiti Tupax pɨnanaki axɨbama ángeles ñome mɨmanantai naneneka, anati aɨbu yarusɨrɨx nɨriakaxti, tyopiki nikonkoxti. Axti Tupax, ui ñakumananaunkuxti, chebo uiti nauki asuriuti nikonkoxti tyaku namanaiña.

Apocalipsis 12:3

Auki tusiuityo iku napes kiatax numukianx taruku niyarusɨrɨkɨx: kuatɨ axɨmanu yarusɨrɨx noixhobox kɨturiki abe siete nityanux, diez nityapakɨx anentyo nityanux itya.

Apocalipsis 6:2

Auki yasaratɨ, yastai taman kabayux purusubi, axti maniki anati chaku ane mekuti taman kɨmomes. Toxio ɨmoti taman tarusɨx, chiyebotipɨ uimia axɨbama chuxiampɨ uimia ɨmoti, auki sɨrotitɨ aɨbu nixhankaxti taikiana sane uiti.

Apocalipsis 13:1

Auki yastai kuatɨ tanene auki narubaityu tux yarusɨrɨx numukianx abe siete nityanux abetyo diez nityapakɨx. Axɨmanio nityapakɨx abe niyutarusɨx, kɨtɨpɨ niñutanux ane korobo axɨna chuxiampɨ kɨtɨpɨti Tupax.

San Mateo 21:5

“Amukanaño ɨmo axɨmanuma po'osoma au Sión: ‘Amasasatɨ, axti yɨriabux aemo kuatati tauna aesakɨ, takisɨrɨtiatai, anati chaku burux, chaku buruma, naɨbosi numukianx axɨna ipiaka aikia nikiakax.’ ”

San Juan 17:11

“Axɨñɨ chiyasikiapɨ iku axɨna kɨx, axɨma sɨsioma iku axɨna kɨx tapɨ axɨñɨ yɨkatɨ tanu tato atupekukɨ. Iyaɨ, asasatɨ tyakuma ui nɨriaka takana axɨmanu toxio obi iñemo nauki sɨsioma chepe nakaxɨma, takana axɨkɨ saɨbuñɨ.

San Juan 17:12

Naukiche anankañɨnki ichepema iku axɨna kɨx, yasakatɨ xhokɨmakaityo tyakuma ui nɨriaka nɨri, axɨmanu nɨri toxio obi iñemo. Champɨti naki ensoroti axɨpekukimia kunauntañatiatai Judas, nauki atusianka axɨna nantɨ iku Nikorox.

Efesios 1:21

ui axɨmanu yarusɨrɨx nɨriakaxti, toxio uiti Tupax ɨmoti Cristo ɨriakaboti pɨrɨkɨ namanaiña axɨbama machoboreka axɨbamaintyo ane nɨriakaxɨma iku axɨna kɨx takanaintyo au axɨmanu iyebo kɨx kuabotɨki.