1 Pedro 4:9 - Manityanati Tupax

⁹ Apasusiusaño aumeampatoe au naupo, tapɨ chuxiampatai nabura kɨtɨpɨ makiataka.

Manitanati Tuparrü

⁹ Apasusiusurrti quiatarrü au naupo aübu urria, tapü ünantü aume.

1 Pedro 4:9 交叉引用

Hebreos 13:2

Tapɨ takɨrusu napakionko apakumananau ɨmoma axɨbama iñataimia au naupo, tyopiki sane, sɨrɨmanama axɨbama chɨtusiupɨ ɨmoma yasuriuruma axɨbama ángeles.

Romanos 12:13

Apisamuse takana axtɨ nauxiantɨmo axɨna nixhantɨmoma axɨbama champɨ nipɨnatema, taikiana aupukɨru tyakuma axɨbama iñataimia au naupo.

Filipenses 2:14

Apisamuse nanaiña tapɨ apanityaka axɨna chuxiampɨ kɨtɨpɨti kiatax tapɨ aburatokikia,

Hebreos 13:16

Tapɨ takɨrusu napakionko apisamune axɨna uxia, apakumana ɨmoma axɨbama takisɨrɨma axɨba namenaxi. Tyoneio axɨba makumanataka axɨba omixhia ɨmoti Tupax.

Tito 1:8

Taikiana uxia uiti ɨmoma axɨbama iñataimia au nipoxti, taikiana uxia nisɨborikixhti, besɨro ñapanaunkuxti, tapɨ ane nomɨnantɨ uiti, tari chiyaupɨ ñanaunkuxti.

1 Timoteo 3:2

Sane naukiche, axti naki ane nɨriakaxti tari uxia nisɨborikixhti tapɨ ane urapoboiboma makiataka kɨtɨpɨti. Tari kunauntañantai nikɨpostoti tapɨ chebo uiti aisamunenti chɨtamampatai nixhantɨmoti, tari uxia nisɨborikixhti besɨro ñapanaunkuxti. Tari makumananaunxti ɨmoma axɨbama iñataimia au nipoxti. Tari aipiati anunekati.

Santiago 5:9

Masarukityaiki, tapɨ aburakaño aboiyapatoe, nauki tapɨ ane manityomokotox aume uiti Tupax, tyopiki axti naki uiche asaraiti ñana nosɨboriki, tɨtanati abeu tyurux.

2 Corintios 9:7

Taikianati taman tari ñakumananati takana axɨna ñakionkoxti auki nausasɨxti, tapɨ apakumanaka axtɨ yakɨpukuxti kiatax aɨbu namokɨtɨnau, tyopiki axti Tupax kuasɨrɨti ɨmoti axti naki makumananati aɨbu nipukɨnunkuxti.

Filemón 1:14

Axɨñɨ chixhankapɨ isamune axɨna chisiupɨ nakionko, nauki axɨna aisamute iñemo tapɨ aisamute ui nixhakɨpuku aisamuse auki noñemantoe.

Romanos 16:23

Ñakionkoxtityo Gayo tanu aume. Axɨñɨ yaka auna nipoxti, axɨna ityoximiatati kauta aiyoberabaramakɨ nantax axɨbama ikokoromati Jesús. Ñakionkoxtityo tanu aume axti Erasto, axti naki mekuche naka nimonixhimia axɨbama po'oso axtityo usaruki Cuarto ñakionkoxti tanu aume.