1 Corintios 15:3 - Manityanati Tupax

³ Kusɨrɨbo iñununekanaño axɨna urapoimia tɨkañe sukarɨñɨ, axti Cristo koiñoti nauki ane maximiakatax tato yotopiki axɨba nomɨnantɨ osoi, sane nantɨ iku Nikorox,

Manitanati Tuparrü

³ Sucanañü aume aucutanu arrüna ñoncoi y torrio iñemo uiti Tuparrü. Primero surapoi ausucarü arrüna sane: Arrti Cristo coiñoti nauqui aurrimiaca tato nomünantü osoi. Sane ito nantü icu Nicororrü, arrüna tücorobocaü tücañe.

1 Corintios 15:3 交叉引用

1 Pedro 2:24

Axti Cristo omenotɨ uiti kɨtɨpɨti axɨba nomɨnantɨ osoi kɨtɨpɨ kurusɨx, nauki axoñɨ uiñokonio nomɨnantɨ nauki sane uisamune axɨna uxia. Axti Cristo obɨrio ɨmoti nauki axaño uxiankaño tato.

Gálatas 1:4

Ityoximianatiyɨ Jesús ɨmo nikonkoxti yotopiki nomɨnantɨ osoi, nauki aixhimiakati oemo nomɨnantɨ iku axɨna kɨx au axɨba naskɨbeka kaɨma, takana noñemaxti Tupax naki Uyaɨ.

1 Juan 2:2

Uiti Tupax moximiakana nomɨnantɨ osoi axɨbaityo nomɨnantɨ ikuki axɨna kɨx tyopiki axti Cristo ityoximianatiyɨ auki noñemaxtiatoe nauki akonti utaku.

Gálatas 1:12

Chiyebopɨ sobi ui ñanunekaka mañoñɨnka, ta uiti Jesucristo aityusiankati sukarɨñɨ.

Apocalipsis 1:5

ñakionkoxtityo aume axti Jesucristo naki urapoiti usukarɨ nanaiña axɨna ñemanauntu, naki kusɨrɨboti asɨboriti tato, ane nɨriakaxti ɨmoma axɨbama mayɨriabuka iku axɨna kɨx. Axti Cristo ukuasɨrɨka ɨmoti, ui notoxti anentyo maximiakatax ñome axɨba nomɨnantɨ osoi,

Romanos 4:25

axti naki koiñoti ityopiki nomɨnantɨ osoi sɨborikoti tato nauki ane maximiakatax ñome axɨba nomɨnantɨ osoi.

Efesios 5:2

Apakumananau ɨmo namanaiña, sane takana nukuasɨrɨkɨ tɨkañe ɨmoti Cristo ta koiñotityo otopiki. Axɨmanu nikonkoxti tyone takana axɨmanu koñoxtai nori makumanatax ɨmoti Tupax.

2 Corintios 5:21

Axti Cristo champɨ nomɨnantɨ isamutenti. Ta otopiki, axti Tupax iñanati au nomɨnantɨ osoi, nauki uxia nusaka au nastaxti Tupax tyopikiti Cristo.

1 Corintios 11:23

Tyopiki axɨñɨ yasutiu axɨna manunekatax uiti Yɨriabux Jesús, auki axɨñɨ iñununekakaño: Axɨmanu tobixh tɨkañe naukiche toxioti Yɨriabux Jesús ɨmo nikonkoxti, yasutiuti mekuti taman pan

Hechos 3:18

Axɨbama profetas urapoimia tɨkañe ui noñemaxti Tupax, taruku ñana nityakisɨrɨkɨxti Mesías, ñemanauntu sane uxiante.

San Juan 1:29

Au kiatax nanenes, asaratitɨ Kuan ɨmoti Jesús, kuatati esati, nanti: “¡Amasasatɨ, tyonenti naki Nobixhax uiti Tupax, naki uiche aikiaɨbuti nomɨnantɨ ikuki axɨna kɨx!

1 Pedro 1:11

Nesaxti Espíritu Cristo aukiapae tɨkañe manunekana ɨmoma axɨbama profetas kausane ñana nityakisɨrɨkɨxti iku axɨna kɨx, axɨmanuintyo niyarusɨrɨkɨ nɨriakaxti ñana. Axɨmanuma profetas, bapacheroma nikiubuma kausane atusi ɨmoma axɨmanu nanti Espíritu ɨmoma axɨmanu ane ikɨtɨpɨma.

Efesios 1:7

Aɨbuti Cristo ane maximiakatax oemo ui notoxti, axɨna maximiakatax ñome nomɨnantɨ oboi niyarusɨrɨkɨ nipukɨruxti.

Gálatas 3:13

Uiti Cristo ane maximiakatax oemo pɨnanaki axɨmanu mapauxamakax ui bakɨpukux, otopiki isamunɨ mapauxamakax, tyopiki axɨmanu Nikorox nantɨ: “Champɨti uxia uiti ɨmoti naki koiñoti kɨtɨpɨ kurusɨx.”

Romanos 3:25

Axti Jesucristo naki ɨriotitɨ tɨkañe uiti Tupax, akonti otopiki nauki aixhimiakati axɨna nomɨnantɨ osoi. Axɨna maximiakatax iyebo osoi axtɨ uikokota nuraxti Tupax. Sane ityusiankatati kausane aipesɨnakati nosɨboriki: ui axɨna moximiakana axɨba nomɨnantɨ osoi,

San Mateo 26:28

ityopiki axɨna tyone niñoto, uixh atusi ta ñemanauntu axɨmanu tratox, arapara autopiki nauki amoximiaka tato nanaiña axɨba nomɨnantɨ aboi.

1 Pedro 3:18

Tyopiki axti Cristo tamantai nikonkoxti yotopiki nomɨnantɨ osoi. Axti champɨ nipɨnatenti, yasutiuti nityakisɨrɨkɨxti tyakuma axɨbama chuxiampɨ nisɨborikixhimia, nauki amekatɨ uiti esati Tupax. Koiñoti aɨbu kɨx nikɨtɨpɨxti. Sɨborikoti tato aɨbu nausɨpɨxti,

Hebreos 5:3

Tyopiki champɨ nikusɨuxti ñome axɨmanio makokotox, sane naukiche makumananati tyobo nomɨnantɨ uiti takanaintyo ui namanaiña.

Hebreos 5:1

Axti Tupax tyonenti naki uiche samamekanama ɨriatuxɨma axɨbama sacerdotes axɨpekuki mañoñɨnka, sɨroma nauki anityanama ɨmoti Tupax au nɨri namanaiña nauki aityoximiama makumanataka yutaku nomɨnantɨ.

1 Corintios 11:2

Uxia iñemo axɨna apisamute sane, masarukityaiki, tyopiki taikiana apakionkaño iyoñɨ apisamutentyo nanaiña nixhanunekaka aume.

San Mateo 26:24

Axti Aɨtoxti ñoñɨnx sɨrotitɨki isiuki axɨmanu kutubiux takana axɨmanio nantɨ iku Nikorox. ¡Takisɨrɨtiatai ñana axti naki uiche aityoximianati! Uxiampɨ tɨkañe axtɨ chɨkuatatipɨ iku axɨna kɨx.

San Lucas 24:25

Auki nanti Jesús ɨmoma: –¡Tarukapae champɨ iyebo aboi masamuñampae apikoko nanaiña axɨna urapoimia tɨkañe axɨbama profetas!

Hechos 8:32

Axɨmanu Nikorox anankati astaiti tyone axɨna nantɨ sane: “Sɨrotitɨ uimia takana nobixhax niyɨkɨx kauta ako. Takana nobixhax chɨmanityanapɨ sukarɨ axɨbama uiche aityapakiankama, champɨityo axtɨ manityana.

Hechos 17:2

Axti Pablo takana yacheataxti nantax, sɨrotitɨ au axɨmanu sinagoga, trex sabaruka niyɨkɨxti, nauki apariti aɨbuma.