Salmos 20:8 - Kaxinawá Bíblia (BR)

⁸ Ha yura betsabu babutã niri ikaibũ hakia nukuburã, babuama mestẽtã nũ kakũkaĩmiski.

Salmos 20:8 交叉引用

Miquéias 7:8

Eki sinataibu Israel anuabuũ, ẽ txakabuwẽ taea ibubis ẽ bika teneai uĩ ewẽ benimayamakãwẽ. Ẽ di ibiaima ẽ ana benikauãshanaii, txakabu meshu keskatũ ea atxibiabaũkẽ Senhor Deus ẽ shaba keska ẽ mekenã txashakapaki.

Juízes 5:31

Senhor Deusuũ, dasibi miki sinataiburã, hau haskai mawai keyukubainũbũwẽ. Hakia mia betxipaiaiburã, bari kushipakĩ txasha wakĩ keyumis keskai hau txashahairashanũbũwẽ”, iki Débora inũ Baraque kãtanibukiaki. Hatu haska washunima habiatiãri ha mai pakea anu 40 ano kai Israelĩ enabu unanuma hiwekubainibukiaki.

1 Samuel 17:45

hanushũ Davĩ kemakĩ yuikĩ: —Miarã, hashi dabe inũ matxatu txaipa kenuhairayatũ ea detenũ ika mĩ huaii. Hakia eanã, Israelĩ enabu mĩ hatu mesewakĩ datekubainaiwẽ taea hatũ mekenika Senhor Deus dasibi kushipa binuatũ kenawẽ taea mibe detenamenũ ika eari ẽ huaii.

2 Reis 19:23

Mĩ hãtxa bushunika hatu yunukĩ ea Senhor Deus mĩ ekiri hatu hãtxa txakabumashinaki. Kẽkĩ hatu yuimakĩ: ‘Líbano mati matipa mamaki hanu tsua mapeketiruma anu ẽ cavalõ tarãbaĩtiki detenamenikabu mapubaini mirimabube ẽ mapekeimaki. Hanushũ hatũ kusha keyatapahaira inũ hatũ hi betsa cedro hawẽruahaira ẽ hatu meshtemaimaki. Mati keyatapa mapekeyutã ha mamaki bai bana keska ni shukua anu nukui ẽ hanu hikimaki.

Salmos 33:16

Mai anu shanẽ ibuhaira hawẽ detenamenikabu mirimahaira hayabia habuwẽ hiwei pashatirumaki. Detenamenikabu hatũ kushipahaira hayabia hawẽ hiwei pashatirubumariki.

Salmos 33:17

Cavalowẽ kushibiabaĩmisburã, hawẽ hiwei tsua pashatirubumahairaki. Cavalo kushipahairabia haki txiti ibiamisbu hawẽ hiwei tsua pashatirumaki.

Provérbios 21:31

Hawẽ detenameti pewakĩ hunibũ hatũ cavalo bebũkiri tapĩmakĩ unãmamisbuki. Hakia detenameaibu kushipa wakĩ Senhor Deusũ hatu merabewakĩ binumamiski.