Romanos 2:14 - Kaxinawá Bíblia (BR)

^14-15 Tsuabura hatũ xinã txakabu wakatsi ikama Deusũ Moisés yusĩmani keska hatũ huĩti merã ha kene nea keskashũ hatu unãmaya txanima hawa hatũ xinã merã hawa txakabu hayabuma hatu unãmamiski, haska neatũ hatũ xinã ibubis txakabuaibu hatu ha akĩ inũ hatu nemakĩ unãmakinã. Haskawẽ taea judeubuma Deusũ Moisés yusĩmani kene hayamabia hatũ beyawẽ hawara txakabu unãmisbu inũ hawara pepa amisbu haska Deusũ Moisés yusĩmani unaĩ keskakĩ txibãmisburã, habu hatũmebi hatũ yunuti inũ hatũ nemati haya keskabuki.

Kashinawa : Diosun Jesúswen taexun yuba bena yiniki

^14-15 Tsuabuda jatun shinan chakabu wakatsi ikama Diosun Moisés yusinmani keska jatun juinti medan ja kene nea keskaxun jatu unanmaya chanima jawa jatun shinan medan jawa chakabu jayabuma jatu unanmamiski, jaska neatun jatun shinan ibubis chakabuaibu jatu ja akin inun jatu nemakin unanmakinan. Jaskawen taea judiobuma Diosun Moisés yusinmani kene jayamabia jatun beyawen jawada chakabu unanmisbu inun jawada pepa amisbu jaska Diosun Moisés yusinmani unain keskakin chibanmisbudan, jabu jatunmebi jatun yunuti inun jatun nemati jaya keskabuki.

Romanos 2:14 交叉引用

Romanos 2:12

Dasibibũ Deusũ yunuti inũ hawẽ nemati hãtxa Moisés keneni haska hayama dabanẽ unãma txakabuwakubainaibu hawẽ yunuti inũ hawẽ nemati hãtxa haska yununi Deusũ xinãma hatu kupishanikiki. Hamẽ betsabũ Deusũ yunuti inũ hawẽ nemati unãbiakĩ txibãma txakabuwakubainaibu hawẽ yunuti inũ hawẽ nemati hãtxa xinãkĩ Deusũ haturi kupishanikiki.

Romanos 2:27

Haska inũ, hawara Deusũ yusĩni mã judeubu hayabiabũ ha nĩkabiakĩ txibãma mã kaneaibũ hanushũ judeubumã hatũ hina kubitxi meshtekeumabia Deusũ yusĩni haya keskakĩ hawara Deusũ abuai txibãkubaĩmisshũ matu binuhairatã matu habũ unãti washanikiki.

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.

Hechos 17:30

Ũ unu bari betsatiã yura betsa betsapabũ hawa unãbumakẽ Deusũ hatu beruwẽs uĩyukubainiki. Hakia natiã ana haska wama mai hirabi anu hiwebaunabũ hau hatũ xinã betsa watã hakiri hau xinãnũbũ Deusũ hatu yunuikiki.

Hechos 10:35

Na mai anu hiwebaunabu tsuabũra Deus nĩkai haki mesekĩ txibã pewaibu Deusũ hawa hatu danaĩsma ea yusĩxina na habiatiã ẽ ma tapĩaiĩ.

Romanos 1:32

Ha inũ, haskai hiwea hau hawẽ besti mawanũbũwẽ, Deus ibianikẽ haska unãhairabiai ana hawaki meseama habias txakabuwakubaĩkĩ betsabũ habias akaibu uĩ benimakubaĩmisbuki, habu huni txakabu tibirã.

Deuteronômio 4:7

Hakia nawabũ hatũ kẽwãti yushibu itxapa hayabũ kẽwãkĩ yukabiabu hawa hatu nĩkatã kematirumaki. Hakia nukuburã, nukũ mekenika Senhor Deus nũ haya hawẽtsaĩs nũ yukai tibi nuku nĩkatã kemakubainikiki.

1 Coríntios 11:14

Haska inũ, aĩbu itsai hunĩ bu txaipa wairã, haska nukũ hiwea nuku wabiani ibubis betsai daketapai bu txaipayai nũ hawẽ daketirubuki.

Filipenses 4:8

Ẽ betsabu inũ ẽ puibuũ, kenekĩ ẽ ma matu keyushunai ea nĩkairakãwẽ. Eska tibi pepa xinãkãwẽ. Dasibi hãtxa kayabi inũ, dasibiwẽ pepa wai nũ haki mesetiru inũ, dasibi nũ kanetiruma inũ, dasibi pepas inũ, dasibi hawẽ nũ xinã txãkãtiru inũ, dasibibu tsuara hawẽ pepawẽ kẽwãmisbu inũ, haska tibi hatukiri xinã kayabikubaĩkãwẽ, haskakĩ Deus benimawakinã.

Hechos 14:16

Ũ unu bari betsatiã mai hirabi anu yura betsa betsapabũ hatũ xinãnẽs hawara txibãkubainaibu Deusũ hatu beruwẽs uĩyukubaĩbiakĩ

1 Coríntios 9:21

Deusũ yusĩa danãma Jesus Cristõ yusĩa heneama txibãkubaĩkĩ judeubuma habũ Moisés yusĩa txibãbuma Jesus ikũwãmanũ ika hatube hiwea hatũ beya keska txibaĩ ẽ hatube hiweriamiski.

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.