22 Haskakũkaĩkĩ Deusũ betxipaiai teuti hawẽrua teua keska mĩ hawẽ pe hiwekũkaĩtiruki,
Mĩ epã yusĩti inũ mĩ ewã yusĩti mĩ heneama hawẽ mĩ hawẽruai mia uĩtirubuki, teuti inũ maiti hawẽruahaira mĩ sawea keskarã.
Ẽ yusĩti hãtxa danãma mestẽwãtã hakimakĩ heneama txibaĩ mĩ pe hiwekũkaĩshanaii.
Tsuãra ea benai eki nukutanã, hatũ hiwea kayabi bishãkanikiki, haska Senhor Deusũ betxipaimis txibãmiswẽ taeshunã.
Tsuabura unanepa shinã pepa hayarã, hatũ hiwea perã, txatxa habai keskaki. Hamẽ unaĩsmapabu tsuãra mã hatu yusĩkubainairã, mã hatube habiaskariki, unaĩsmaparã.
Tsuara hiwei pekaini ana txakabukatsi ikama pepa bestikĩ hatu uĩmaiwẽ taea hakiri hãtxa peaibu nĩkai haska hiwea betxipaimis hayashanikiki.
Tsuãra hawara tapĩtã ha tapĩmawẽ aki hiwekaĩkĩ ibubis pe shinãbaĩkĩ unanuma hiwekĩ hawẽ hamapai ewawabaĩshanikiki.
