28 Shanẽ ibuhairatũ hawẽ shanẽ ibu mestẽwaĩ hiwei pekĩ hawenabuwẽ nuikĩ hatu pe mekekubaĩmiswẽ taeshũ tsuã hawẽ kushipa mebĩtirumaki.
Shanẽ ibuhaira txakabutũ yunutxakaibu Deusũ hatu danãhairamiski. Hakia shanẽ ibuhaira pepatũ hawẽ yunuti kushipawẽ hatu pe yunumisrã, haburã, pepaki.
Hamapai txakabu tibi yura betsabuna hakimairã, Senhor Deusũ nuikipaiwẽ txanima atiki. Senhor Deus duawakinã, txakabu tibi mĩ heneakeakekubainaii.
Senhor Deusuũ, ea betxipaiama ikama ewẽ nuikũkaĩwẽ. Mĩ nuikipawẽ inũ mĩ shinã kayabi mĩ betsa waismawẽ hawa heneama ea mekekubaĩwẽ.
Dasibibuwẽ nuikũkaini txanima hãtxa hawa heneyamakubaĩshãwẽ. Teuti sawea keska wa hatuwẽ nuikĩ txanima hãtxa sawewe, mĩ shinã uke merã netãkinã.
Na haska keska mĩ ikũkaĩshanai keska wakĩ mia pewakatsi ikĩ Deus kushipa dasibi hatu binuatũ na kupitiwẽ mia akatsi ma mia yunuaki.
