Provérbios 14:24 - Kaxinawá Bíblia (BR)

²⁴ Unanepabũ hatũ shinã pepahairarã, maiti hawẽrua sawea keskabuki. Hakia habu unaĩsmapabũ hawẽ hatu uĩmairã, maiti atimapa sawea keskabuki.

Provérbios 14:24 交叉引用

Lucas 16:9

Haskawẽ taeshũ mabuyatã mã haskakubaĩshanũbũ matu yusĩnũ nĩkakãwẽ. Mabuwẽ kemua mesebiakẽ ha mabu mã hayawẽ merabenãkĩ yurabu haibuwakĩ mã beyawatirurã, yurabube inãnãnaĩ pepashãkãwẽ. Matũ mabu keyuaya hanua mã ea txibãkĩ haska hatu ashũmiswẽ taea Deus matuwẽ benimakĩ nai anu hiweti kayabi inãkĩ matu manakushanikiki.

Isaías 33:6

Bari tibi hawenabu hawa putama hatu mestẽwãkubaĩmiski. Hawẽ unanepati inũ hawẽ txakabu inũ pepa unãtirã, harã, keyuisma pepahaira hiweatũ nuku piskumatiruki. Deusũ matu hawẽ datemairã, hawẽrua pepa meseki.

Provérbios 10:22

Senhor Deusũ tsuara hatu duawakinã, mabu pepa itxapa keska hatu inãkĩ benimawamiski, hawa hatu bika tenemakĩ isĩ tenemamarã.

Provérbios 13:8

Yumetsubũ hau hatu tenãyamanũbũ mabu itxapayabũ hatũ peiwẽ hatu daewatã hawẽ hiwea piskutirubuki. Hakia nuitapaiburã, tsua hatuki sinatamawẽ taea hawa nĩkama hiweabuki.

Provérbios 14:23

Tsuara daya txakayamakũkainirã, piti inũ mabu hayakubaĩmisbuki. Hakia hawa wamabia hãtxa bestikubaĩmisburã, hawa hayama nuitapakubaĩmisbuki.

Provérbios 21:20

Huni unanepatũ hawẽ hiwetã piti inũ sheni inĩti inũ mabu pepa sharabu itxawatã unãshubira me pewakubaina hawẽ mabu hawaira keyutirumaki. Hakia huni unaĩsmapatũ hawẽ hiwetã piti inũ mabu pepa itxawabiatã meke pewama hawaira puta puta amisbuki.