9 Tsuara kẽwãma danãbiaibũ hawẽ tsumapã merabewakĩ dayashuna haskai pe hiwetirubuki. Hakia tsuara kẽwãbiakubaĩmisbu hawẽ piti itxapa hayamakẽ pematiruki.
Habiaskari wakĩ tsuara ibubis kẽmis Deusũ dake washanikiki. Hakia tsuara ibubis keĩsma Deusũ kẽwãshanikiki. Nĩkairakãwẽ— iwanã,
Huni betsabu hawa hayamabia: “Ẽ mabuyaki”, iki kẽmisbuki. Hakia tsuara mabu itxapa hayabia shabakabi yuiama nuitapai keska hiwemisbuki.
‘Na yurabunã, hatũ hãtxawẽ ea kẽwãbiakĩ hatũ huĩtiwẽ ea xinaĩsbumaki.
Tsuãra pe shinãkĩ hawaira tapĩhairanikarã, haburã, hatu kẽwãkubaĩmisbuki. Hakia tsuara tatima unaĩsmaparã, hawa hatu kẽwãma danãkubaĩmisbuki.
Huni pepabũ hatũ inabuwẽ nuikĩ hatukiri shinãkĩ pe mekekubaĩmisbuki. Hakia huni txakabuburã, hamapai tibiwẽ hawa nuiama hakiri shinaĩsbumaki.
