Provérbios 11:4 - Kaxinawá Bíblia (BR)

⁴ Senhor Deusũ hanu unãti wakĩ hatu kupiaitianã, tsuara mabu itxapayabia hawa hatu merabewatirumaki. Hakia tsuara hawẽ yunutiwẽ parananãma ikũkainairã, mawa kayabi anua Senhor Deusũ hatu pashawashanikiki.

Provérbios 11:4 交叉引用

Provérbios 10:2

Mabu besti itxawakĩ hatu parãtã itxawairã, hawẽ pe hiwetirubumaki. Hakia haska Deusũ betxipaiai pepa besti txibãkubaĩmisburã, mawa kayabi anu kama piskutirubuki.

Gênesis 7:1

Hanushũ Deusũ Noé yuikĩ: “Yura dasibibube mĩ hiwebia mia besti mĩ pepaki, ẽ hãtxa nĩkai hiwekũkainirã. Haskawẽ taea nunuti merã minabuyas hikiriwe” atã

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

Lucas 12:20

hanushũ Deusũ yuikĩ: “Haskamaki. Haska mĩ yuiairã, mĩ unãmahairaki. Na habia mexu merã mĩ mawaya ha mĩ mabu mĩ pewakĩ keyushurã, tsuabũra pashkashãkanikiki”, akĩ yuitiruki.

Mateus 16:26

Hamẽ tsuãra mabu mirimawẽ kemu bestikĩ itxawashũ ea ikũwãkĩ txibãma hatũmebi hatũ hiwekuĩa benushãkanikiki, eauma mawairã. Ha inũ, hatũ hiwea pakatã tsuã ana bitirumahairaki.

Romanos 5:17

Hanua Adão huni bestitxaitũ kanekĩ txakabuwaniwẽ taea habiaskariai yura dasibi mawariakubaĩmisburã, txanimaki. Hakia Deus nuikipatũ Jesus Cristo huni bestitxai nuku hamẽ inãkuĩni habũ nũ ikũwaĩbu duawakĩ Deusũ nuku pepabu waya hawara Jesus Cristõ nuku ashũkĩ binumaniwẽ taeshũ hiwea bena bitã ha huni betsa Cristõnã, dasibiburi merabewakĩ hatu binumashuniki.

Provérbios 12:28

Yunuti pepa kushipa ha baiwẽ kairã, hawẽ hiweti hayaki. Hakia unaĩsmapabu hiwei peisbuma hatũ hiwea benui mawa bestimisbuki.