7 Huni pepa uĩkĩ Deusũ duawamis betsabũ hawẽ pepa shinãkĩ hakimaisbumaki. Hakia huni txakabukiri hawaira hakimamisbuki.
Hakia ikũ ẽ matu yuiaii. Mai hirabi anushũ kakape ekiri txanibaũkĩ na aĩbũ ea ashu xinãkĩ yuiriabaũshãkanikiki, tsua hau hakimayamashanũbunã— hatu wai nĩkaxinabũ
Hanu ẽ kena ipashanai Jerusalém ẽ katuni anu meshu merã bĩ dekua keska ẽ tsuma Davĩ enabu huni bestitxai katukubaĩkĩ ea bebunua Jerusalém anu shanẽ ibutiru, Israelĩ enabu shukua bestitxai ẽ henekubaĩshanaii.
Huni txakabuburã, Senhor Deus hatuki sinatahairakĩ mai anushũ hamapai akubaĩkĩ ha shinaĩbu tere akĩ ana hakiri shinãtima washanikiki.
Ouro mane inũ prata mane mirima hayabiabũ pepai mĩ hiwekũkainai inũ dasibibũ kaka pepa mikiri yuibaunaiburã, ha mane karu sharabu mĩ hatu binuhairaki.
Hakia tsuabũra Senhor Deus duawakubaĩmisbũ hawarawẽ nuikĩ yukaiburã, hatu nĩkakĩ bika betsa betsapa teneaibu hatu nemashũkubaĩmiski.
